Shaibaly hokkeiden 2021 jylǵy álem chempionatynyń elitalyq divizionynda búgin Qazaqstan quramasy úshinshi oiynyn AQSh-pen ótkizdi, dep habarlaidy "Ult aqparat".
Búgingi kezdesýde de qazaqstandyq hokkeishiler qarsylasymen terezesi teń deńgeide oiyn kórsetti. Dese de tájiribeli hokkeishilerden jinaqtalǵan amerikandyq qurama keibir jaǵdaida basymdyq tanytyp jatty.
Oiynnyń birinshi kezeńiniń 6-minýtynda Adam Klendening esep ashsa, ekinshi kezeńniń 21-minýtynda Trevor Mýr esepti ústemelei tústi.
Úshinshi kezeńde de amerikandyq qurama basymdyǵyn arttyra tústi. Nátijesinde 41-minýtta Djek Drýri mergendik tanytty. Osylaisha Qazaqstan quramasy qarsylasyna 0:3 esebimen ese jiberdi.
Eske salsaq, budan buryn qazaqstandyq hokkeishiler alǵashqy eki oiynda basym tústi. Aldymen Latviiany býlliten 3:2 esebimen jeńse, odan keiin Finliandiiany býlliten 2:1 esebimen tize búktirdi.
Endi qazaqstandyq hokkeishiler kelesi oiynyn 26 mamyrda Germaniia quramasyna qarsy ótkizedi. Al AQSh quramasy 27 mamyrda Latviiamen sheberlik baiqasady.
