شايبالى حوككەيدەن 2021 جىلعى ەلەم چەمپيوناتىنىڭ ەليتالىق ديۆيزيونىندا بٷگٸن قازاقستان قۇراماسى ٷشٸنشٸ ويىنىن اقش-پەن ٶتكٸزدٸ, دەپ حابارلايدى "ۇلت اقپارات".
بٷگٸنگٸ كەزدەسۋدە دە قازاقستاندىق حوككەيشٸلەر قارسىلاسىمەن تەرەزەسٸ تەڭ دەڭگەيدە ويىن كٶرسەتتٸ. دەسە دە تەجٸريبەلٸ حوككەيشٸلەردەن جيناقتالعان امەريكاندىق قۇراما كەيبٸر جاعدايدا باسىمدىق تانىتىپ جاتتى.
ويىننىڭ بٸرٸنشٸ كەزەڭٸنٸڭ 6-مينۋتىندا ادام كلەندەنينگ ەسەپ اشسا, ەكٸنشٸ كەزەڭنٸڭ 21-مينۋتىندا ترەۆور مۋر ەسەپتٸ ٷستەمەلەي تٷستٸ.
ٷشٸنشٸ كەزەڭدە دە امەريكاندىق قۇراما باسىمدىعىن ارتتىرا تٷستٸ. نەتيجەسٸندە 41-مينۋتتا دجەك درۋري مەرگەندٸك تانىتتى. وسىلايشا قازاقستان قۇراماسى قارسىلاسىنا 0:3 ەسەبٸمەن ەسە جٸبەردٸ.
ەسكە سالساق, بۇدان بۇرىن قازاقستاندىق حوككەيشٸلەر العاشقى ەكٸ ويىندا باسىم تٷستٸ. الدىمەن لاتۆييانى بۋلليتەن 3:2 ەسەبٸمەن جەڭسە, ودان كەيٸن فينلياندييانى بۋلليتەن 2:1 ەسەبٸمەن تٸزە بٷكتٸردٸ.
ەندٸ قازاقستاندىق حوككەيشٸلەر كەلەسٸ ويىنىن 26 مامىردا گەرمانييا قۇراماسىنا قارسى ٶتكٸزەدٸ. ال اقش قۇراماسى 27 مامىردا لاتۆييامەن شەبەرلٸك بايقاسادى.
