Búgin Shaibaly hokkeiden 2021 jylǵy álem chempionatynyń elitalyq divizionynda Qazaqstan quramasy Germaniiamen kezdesti, dep habarlaidy "Ult aqparat".
Eske salsaq, nemis hokkeishileri biylǵy týrnirde jaqsy oiyn órnegin kórsetip keledi. Týrnir kestesinde qatarynan úsh márte jeńiske jetip, toǵyz upaimen kósh basynda tur.
Sondyqtan qazaqstandyq hokkeishiler úshin búgingi kezdesý ońaiǵa soqpaityny anyq edi.
Esepti alǵashqy bolyp qazaqstandyq Aleksei Shin 26-minýtta ashty. Odan keiin 29-minýtta nemis hokkeishisi Tom Kiýnhakl tarazy basyn teńestirdi.
Al 29-minýtta taǵy bir nemis hokkeishisi Markýs Aizenshmid mergendik tanytyp, óz quramasyn alǵa shyǵardy.
Úshinshi kezeńniń 41-minýtynda qazaqstandyq Roman Starchenko qarsylastar qaqpasyna belgilengen býllitten múlt ketken joq.
Oiynnyń 55-minýtynda Pavel Akolzin qazaqstandyq quramany alǵa shyǵardy. Qazaqstandyq hokkeishiler qarsylasynan 3:2 esebimen basym tústi.
Eki qurama buǵan deiin atalǵan týrnirde bes márte kezdesti. Onyń ekeýinde qazaqstandyq hokkeishiler jeńiske jetse, úsheýinde nemis quramasynyń mereii ústem boldy.
Sońǵy ret qazaqstandyq hokkeishiler atalǵan quramany 2005 jyldyń 1 mamyrynda 2:1 esebimen jeńgen bolatyn.
Endi Qazaqstan quramasy 28 mamyrda Kanadamen kezdesse, Germaniia 29 mamyrda Finliandiiamen muz aidynǵa shyǵady.
