Ózbekstan Respýblikasynyń Prezidenti Shavkat Mirziioev Qyzylorda oblysyndaǵy tikushaq apatyna bailanysty QR Prezidenti Qasym-Jomart Toqaevqa kóńil aitý jedelhatyn joldady, dep habarlaidy QazAqparat ÓR prezidentiniń saityna silteme jasap.
«Qyzylorda oblysyndaǵy Qazaqstan Respýblikasy Qarýly kúshteri áskeri tikushaǵynyń apatynan adamdardyń mert bolýy jaǵdaiyn zor kúizelispen qabyldadym. Orny tolmas qaiǵyǵa ortaqtasamyn jáne qaza bolǵandardyń týystary men jaqyndaryna kóńil aitqanymdy jetkizýińizdi suraimyn», - delingen jedelhatta.
Eske sala ketsek, QR IIM TJK baspasóz qyzmeti buǵan deiin Qyzylorda oblysynyń Jalaǵash aýdanynda MI-8 tikushaǵy apatqa ushyraǵanyn habarlaǵan bolatyn.
Qorǵanys ministrliginiń aqparatyna sáikes, atalǵan tikushaq 4 birdei áskeri tikushaq quramynan turatyn bólimmen birge Aqtaý qalasynan Shymkentke ushyp bara jatqan. Ushý sapary arnaiy bólimshelerdiń «Altyn jebe» keshendi oqý jáne jattyǵý aiasynda qarańǵyda ári kúrdeli meteorologiialyq jaǵdaida júrgizilgen.
Tikushaqta bolǵan 13 adam qaza tapty.
