- Zaisannan shalǵaida jatqan Shilikti aýyldyq okrýgine bes eldi meken qaraidy. Olar: Shilikti, Tasbastaý, Jalshi, Kákentaldy jáne Qarasai aýyldary. 2 300 turǵynǵa eki orta, bir ortalaý, bir bastaýysh mektep, mádeniet úii, poshta, dárigerlik emhana, tórt feldsherlik pýnkt, toǵyz dúken, eki naýbaihana, shashtaraz, dárihana, mal soiý alańy qyzmet kórsetýde. Qazirgi ólshemmen alyp qarasaq, bul - jaqsy kórsetkish.
- Elbasy Nursultan Nazarbaevtyń «Qazaqstan jańa jahandyq naqty ahýalda: ósim, reformalar, damý» atty Joldaýynda «jahandyq daǵdarys - bul tek qaýip emes, bul jańa múmkindikter» dep atap ótti. Demek, daǵdarystan úrikpei, barlyq kúsh-jigerdi ortaq maqsatqa jumyldyra bilsek, bul qiyndyqtan ótemiz. Ótkendi saralap, aldaǵy atqarylar sharalardy belgilep, baǵdarly isterdi qolǵa alyp jatyrmyz, - dedi aýyldyq okrýg ákimi Qurmet Saǵiev.
Budan keiin aýyl ákimi ótken jyly iri qaranyń 12682, qoi-eshkiniń 31 myńnan asqanyn, jylqy 3054 basqa jetkenin tilge tiek etti. Munyń aldyndaǵy jylmen salystyrǵanda iri qara úsh myń, usaq mal alty jarym myń, al jylqy 624 basqa kóbeigen. Mal basyn asyldandyrýda da tabys barshylyq. Ótken jyly 39 asyl tuqymdy iri qara satyp alyndy. Osynshama malǵa 6 million teńge sýbsidiia berilipti. Eki sharýa qojalyǵy asyl tuqymdy 41 qoshqarǵa 328 myń teńge, 1230 analyq qoiǵa 1 million 845 myń teńge sýbsidiia alypty. Al júnge 400 myń teńge sýbsidiia alǵanyn estigenimizde, shynynda da aýyl adamdarynyń eńsesin kóterýge arnalǵan baǵdarlamalardyń jemisin bere bastaǵanyn ańǵardyq. «Jailaý» baǵdarlamasy boiynsha qazirgi ýaqytta úsh otbasy 300 bas qoidy aman saqtap ósirgen eken.
Bolat Turǵynov jetekshilik etetin «Nurtaza» sharýa qojalyǵy 250 iri qara, 150 jylqy, bir myńǵa tarta qoidy ósirip otyr. «Nurdana» qojalyǵynyń iesi Serik Fazylov iri qara ósirse, Seken Shajaevtyń «Almaz» qojalyǵy bir jarym myń qoidy baǵyp, ondaǵan adamdy jumyspen qamtamasyz etýde.
Shilikti aýyldyq okrýginde «100 naqty qadam» Ult jospary baǵdarlamasy boiynsha memlekettik jáne óńirlik baǵdarlamalardy júzege asyrýǵa bailanysty igilikti ister atqarylýda. Máselen, Shilikti aýylynda eki kóshege jaryq tartylsa, Táýelsizdik kóshesine qum-tas tóselip, turǵyndar rizashylyǵyn bildirýde. Sebebi, buryn bul kóshe jaýyn-shashyn kezinde las bolyp, júrý qiynǵa túsetin. Jalshi aýylynyń shetinen mal óleksesin tastaityn qorym iske qosyldy. Shiliktige aǵyn sý ákelý maqsatynda Zaisan qorǵan seriktestigi aýylǵa sý arnasyn burdy. Aýyl mádenieti men sportyn damytý baǵytynda josparly jumystar júrgizilýde. Uly Jeńistiń 70 jyldyǵy qarsańynda aýyl turǵyndary men kásipker azamattardyń demeýshiligimen 1 million 45 myń teńgege eskertkish taqta ashylyp, 270 adamnyń esimderi jazyldy. Naýryz, Jeńistiń 71 jyldyǵy, Balalardy qorǵaý kúni, Qazaq handyǵynyń 550 jyldyǵy, basqa da aitýly merekelerge aýyl turǵyndary belsendilikpen qatysyp, sporttyq jarystardyń sánin keltirdi.
Aýyl ákimi «Týǵan jerge-taǵzym» aktsiiasynyń jyl saiyn ótip turatynyn aitty. Atap aitqanda, Qunapiianovtar áýleti Shilikti orta mektebiniń bir bólmesin zamanaýi jabdyqtap, bul maqsatqa 1 million 750 myń teńge qarjy jumsapty. Sol kabinetke aýdannyń órkendeýine ólsheýsiz úles qosqan, birneshe ordenniń iegeri, marqum Qalym Qunapiianov aqsaqaldyń esimi berildi. Uly Otan soǵysynyń ardagerleri Súleimen Baimoldin, Qonai Nurmuhanbetov aqsaqaldyń urpaqtary at báigesin uiymdastyryp, marqumdarǵa as berip, jerlesterin riza etip tastady. Jarys jeńimpazdaryna avtokólik, mototsikl, basqa da baǵaly syilyqtardy tapsyrdy. Tasbastaý aýylynyń týmalary Qairat, Dálelbek Saǵdoldinder kindik qany tamǵan aýylyna 6 million teńge qarjy jumsap, imandylyq úiin syiǵa tartty.
- Biyl - uly mereke, el Táýelsizdigininń 25 jyldyǵy. Merekelik sharalardyń kestesin aldyn ala jasadyq. Barlyq aýyldarda mádeni sharalar ótedi, sport jarystaryna jurtshylyqty belsene qatystyrý oida bar. Shilikti aýylyndaǵy Aijaryq kóshesin jaryqtandyrý, Tasbastaý ortalaý mektebiniń sport zalyn, Shiliktidegi kósheni jóndeý, qatty qaldyqtar tastaityn oryndy iske qosý, basqa da jumystardy atqarsaq dep otyrmyz. Shilikti aýyldyq okrýginiń turǵyndary táýelsizdiktiń shirek ǵasyrlyq mereitoiyn tolaiym tabystarmen qarsy almaq, - deidi aýyl ákimi Qurmet Saǵiev.
Ońdasyn Elýbai
ShQO Zaisan aýdany
"Didar" gazeti
