Foto: ashyq derekkóz
Petropavl qalasynda 9 jasar qyz ekinshi qabattaǵy balkonnan qulap ketken. Bala jedel túrde oblystyq kópbeiindi balalar aýrýhanasyna jetkizildi, dep habarlaidy Ult.kz.
Oqiǵa 16 mamyr kúni túski saǵat 12:00 shamasynda bolǵan. Qyz bala aýtizm diagnozymen psihiatrdyń dispanserlik baqylaýynda bolǵany belgili.
Mamandardyń málimetinshe, qulaý sátinde bala esinen tanyp qalmaǵan. Oqiǵa ornyna jetken jedel járdem brigadasy ony anasynyń súiemeldeýimen aýrýhanaǵa jetkizgen.
Qyz bala shuǵyl túrde travmatologiia bólimine jatqyzylyp, tolyq tekserýden ótken. Qazirgi jaǵdaiy turaqty, ortasha aýyr dep baǵalanýda. Dárigerlerdiń baqylaýynda onyń jaǵdaiy nasharlamaǵan.
Naýqasqa konservativti em júrgizilip jatyr, sondai-aq arnaiy ortopediialyq-qorǵanysh rejimi taǵaiyndalǵan.
