Elordada buqaralyq aqparat quraldary arasynda shaǵyn fýtboldan respýblikalyq jarys ótedi, dep habarlaidy "Ult aqparat".
QR Aqparat jáne qoǵamdyq damý ministrliginiń qoldaýymen BAQ qyzmetkerleriniń kásibi merekesi qarsańynda 27 maýsym kúni Nur-Sultan qalasynda ulttyq sport jýrnalistikasynyń negizin qalaýshy Seidahmet Berdiquldyń qurmetine arnalǵan shaǵyn fýtboldan respýblikalyq týrnir bastalady.
«Ataýly týrnir alǵash jalaýyn kótergen 1994 jyldan beri jyl saiyn uiymdastyrylatyn jáne BAQ ókilderi taǵatsyzdana kútetin dop dodasyna ainalǵan edi. Alaida, byltyr elde oryn alǵan óte qiyn epidemiologiialyq ahýalǵa bailanysty ony ótkizý múmkin bolmady.
Sportty janyna serik etken jýrnalister qaýymy asyǵa kútken aiaqdop jarysyn biyl qaita jalǵap otyrmyz. Bundai is-sharalar otandyq aqparat salasynyń damýyna úles qosqan belgili esimderdi eske alýmen qatar, qoǵamǵa salaýatty ómir saltyn nasihattaýdyń da aiqyn úlgisi.
Sport – jan men tánniń saýlyǵy, densaýlyqtyń kepili!
Týrnirge qatysýshy barsha komandaǵa nátijeli de tartysty oiyn, júldeli de jarqyn jeńis tileimin!», - dep jazdy QR Aqparat jáne qoǵamdyq damý ministri Aida Balaeva Facebook-te.
