ەلوردادا بۇقارالىق اقپارات قۇرالدارى اراسىندا شاعىن فۋتبولدان رەسپۋبليكالىق جارىس ٶتەدٸ, دەپ حابارلايدى "ۇلت اقپارات".
قر اقپارات جەنە قوعامدىق دامۋ مينيسترلٸگٸنٸڭ قولداۋىمەن باق قىزمەتكەرلەرٸنٸڭ كەسٸبي مەرەكەسٸ قارساڭىندا 27 ماۋسىم كٷنٸ نۇر-سۇلتان قالاسىندا ۇلتتىق سپورت جۋرناليستيكاسىنىڭ نەگٸزٸن قالاۋشى سەيداحمەت بەردٸقۇلدىڭ قۇرمەتٸنە ارنالعان شاعىن فۋتبولدان رەسپۋبليكالىق تۋرنير باستالادى.
«اتاۋلى تۋرنير العاش جالاۋىن كٶتەرگەن 1994 جىلدان بەرٸ جىل سايىن ۇيىمداستىرىلاتىن جەنە باق ٶكٸلدەرٸ تاعاتسىزدانا كٷتەتٸن دوپ دوداسىنا اينالعان ەدٸ. الايدا, بىلتىر ەلدە ورىن العان ٶتە قيىن ەپيدەميولوگييالىق احۋالعا بايلانىستى ونى ٶتكٸزۋ مٷمكٸن بولمادى.
سپورتتى جانىنا سەرٸك ەتكەن جۋرناليستەر قاۋىمى اسىعا كٷتكەن اياقدوپ جارىسىن بيىل قايتا جالعاپ وتىرمىز. بۇنداي ٸس-شارالار وتاندىق اقپارات سالاسىنىڭ دامۋىنا ٷلەس قوسقان بەلگٸلٸ ەسٸمدەردٸ ەسكە الۋمەن قاتار, قوعامعا سالاۋاتتى ٶمٸر سالتىن ناسيحاتتاۋدىڭ دا ايقىن ٷلگٸسٸ.
سپورت – جان مەن تەننٸڭ ساۋلىعى, دەنساۋلىقتىڭ كەپٸلٸ!
تۋرنيرگە قاتىسۋشى بارشا كومانداعا نەتيجەلٸ دە تارتىستى ويىن, جٷلدەلٸ دە جارقىن جەڭٸس تٸلەيمٸن!», - دەپ جازدى قر اقپارات جەنە قوعامدىق دامۋ مينيسترٸ ايدا بالاەۆا Facebook-تە.
