Foto: primeminister.kz
Premer-ministrdiń orynbasary Serik Jumanǵarin Qazaqstandaǵy eń tómengi jalaqyny (ETJ) kóterý máselesine qatysty pikir bildirdi, dep habarlaidy Ult.kz.
Buǵan deiin Ulttyq ekonomika ministrligi eń tómengi jalaqy kólemi 85 myń teńgeden 150 myń teńgege deiin ósýi múmkin ekenin málimdegen bolatyn.
Úkimet kýlýarynda jýrnalister vitse-premerden jalaqy birden kóterile me, álde kezeń-kezeńimen júzege asa ma dep surady.
Serik Jumanǵarinniń aitýynsha, bul másele boiynsha arnaiy jumys toby jumys júrgizip jatyr.
«Qazir osy baǵytta jumys istep jatyrmyz. Ádisteme jetkilikti ikemdi. Eń tómengi jalaqy eńbek ónimdiligi men medianalyq jalaqyǵa bailanysty esepteledi. Sonymen qatar belgisizdik koeffitsienti de engizildi. Biraq naqty qanshaǵa ósetini nemese jalpy ósetin-óspeitini biýdjet múmkindigine bailanysty», – dedi ol.
Sondai-aq vitse-premer bul másele áli talqylaný ústinde ekenin atap ótti.
«Qazir biz úsh jyldyq biýdjetti qalyptastyrýdy bastap kettik. Mundai deńgeide jalaqy alyp júrgen azamattardy qýantqymyz keledi. Alaida naqty sheshim qabyldaý úshin barlyq esepter muqiiat júrgizilýi tiis», – dedi Jumanǵarin.
Aita keteiik, buǵan deiin Qazaqstanda eń tómengi jalaqyny 150 myń teńgege deiin kóterý múmkindigi qarastyrylyp jatqany habarlanǵan bolatyn.
