فوتو: primeminister.kz
پرەمەر-مينيستردٸڭ ورىنباسارى سەرٸك جۇمانعارين قازاقستانداعى ەڭ تٶمەنگٸ جالاقىنى (ەتج) كٶتەرۋ مەسەلەسٸنە قاتىستى پٸكٸر بٸلدٸردٸ, دەپ حابارلايدى Ult.kz.
بۇعان دەيٸن ۇلتتىق ەكونوميكا مينيسترلٸگٸ ەڭ تٶمەنگٸ جالاقى كٶلەمٸ 85 مىڭ تەڭگەدەن 150 مىڭ تەڭگەگە دەيٸن ٶسۋٸ مٷمكٸن ەكەنٸن مەلٸمدەگەن بولاتىن.
ٷكٸمەت كۋلۋارىندا جۋرناليستەر ۆيتسە-پرەمەردەن جالاقى بٸردەن كٶتەرٸلە مە, ەلدە كەزەڭ-كەزەڭٸمەن جٷزەگە اسا ما دەپ سۇرادى.
سەرٸك جۇمانعاريننٸڭ ايتۋىنشا, بۇل مەسەلە بويىنشا ارنايى جۇمىس توبى جۇمىس جٷرگٸزٸپ جاتىر.
«قازٸر وسى باعىتتا جۇمىس ٸستەپ جاتىرمىز. ەدٸستەمە جەتكٸلٸكتٸ يكەمدٸ. ەڭ تٶمەنگٸ جالاقى ەڭبەك ٶنٸمدٸلٸگٸ مەن مەديانالىق جالاقىعا بايلانىستى ەسەپتەلەدٸ. سونىمەن قاتار بەلگٸسٸزدٸك كوەففيتسيەنتٸ دە ەنگٸزٸلدٸ. بٸراق ناقتى قانشاعا ٶسەتٸنٸ نەمەسە جالپى ٶسەتٸن-ٶسپەيتٸنٸ بيۋدجەت مٷمكٸندٸگٸنە بايلانىستى», – دەدٸ ول.
سونداي-اق ۆيتسە-پرەمەر بۇل مەسەلە ەلٸ تالقىلانۋ ٷستٸندە ەكەنٸن اتاپ ٶتتٸ.
«قازٸر بٸز ٷش جىلدىق بيۋدجەتتٸ قالىپتاستىرۋدى باستاپ كەتتٸك. مۇنداي دەڭگەيدە جالاقى الىپ جٷرگەن ازاماتتاردى قۋانتقىمىز كەلەدٸ. الايدا ناقتى شەشٸم قابىلداۋ ٷشٸن بارلىق ەسەپتەر مۇقييات جٷرگٸزٸلۋٸ تيٸس», – دەدٸ جۇمانعارين.
ايتا كەتەيٸك, بۇعان دەيٸن قازاقستاندا ەڭ تٶمەنگٸ جالاقىنى 150 مىڭ تەڭگەگە دەيٸن كٶتەرۋ مٷمكٸندٸگٸ قاراستىرىلىپ جاتقانى حابارلانعان بولاتىن.
