Pákistandyq dáriger Ishan Hýseini meditsina salasynda jasaǵan eren eńbegi úshin marapat alýǵa halyqaralyq bir konferentsiiaǵa bara jatqan edi. Ushaqqa otyrady. Biraq aýa raiy kúrt ózgerip, naizaǵai oinaǵandyqtan ushaq eń jaqyn jerdegi áýejaiǵa qonýǵa májbúr bolady.
Budan keiingi ushaq 16 saǵattan soń ushatyn edi. "Ol konferentsiiaǵa mindetti túrde úlgerýim kerek. 16 saǵat kúte almaimyn» deidi dáriger. Áýejai qyzmetkerleri baratyn qalasy 6 saǵattyq jerde ekenin, qalasa mashina jaldap bara alatynyn aitty. Hýseini asyǵys jolǵa shyǵady, biraq qatty jańbyr joldy kórsetpei, aqyry sońynda seldiń saldarynan kólik jolda júre almaityn jaǵdaiǵa jetti.
Dáriger joldyń shetindegi eski bir úidiń esigin qaǵyp, jyldam ishke kirdi. Úide kart bir áiel otyr edi. Dáriger asyǵys túrde oǵan: «Telefonyńdy bere turshy, qońyraý shalýym kerek», degen kezde áiel: «Balam-aý, kórmei turmysyń? Bul jerde telefon túgili elektr qýaty da joq. Kele ǵoi biraz demal, tamaq ish, shái ish sodan keiin ol jumystaryńdy kóre jatarsyń», - deidi. Jigit sharasyz túrde qart kisiniń aitqandaryna kelisip, biraz jylynyp, tamaqtanyp bolyp shái iship otyrǵan ýaqytta áiel kisi namaz oqyp, uzaaaaq duǵa etip, Allaǵa jalbaryndy.
Hýseini nazar salyp qarap áieldiń bir besikti terbetip jatqanyn jáne besikte qimylsyz kishkentai náresteniń jatqanyn kórdi. «Munshalyq jylap duǵa qylardai ne jaǵdai boldy? Mynaý kimniń balasy, apatai?" – dep suraidy.
Qart áiel: "Bul – anasynan da, ákesinen de jetim qalǵan nemerem. Aýyr derti bar. Jaqyn mańaidaǵy eshbir dáriger emin taba almady. Ishan Hýseini degen dáriger bar eken, emin tek sol biledi deidi. Biraq ol óte alysta, oǵan jetý úshin birneshe kún jol júrý kerek. Sharasyzdan «Alla bul sábidiń dertin jeńildetip, shipasyn bersin» dep Allaǵa duǵa qylýdamyn.
Sol sátter dáriger Hýseini kóz jasyna erik bergen edi, eki betin jas jýǵan kúii: «Tur apataiym. Alla seniń duǵańdy qabyl qyldy. Seniń duǵań kókte naizaǵai oinatyp, ushaqty jerge qondyrdy, aspannan jańbyr jaýǵyzyp, jer júzin selge ainaldyryp, meni sizge alyp keldi» degen eken.
Muhtar Shahanovtyń feisbýktaǵy paraqshasynan
.jpg)