"سەنٸڭ دۇعاڭ كٶكتە نايزاعاي ويناتىپ, ۇشاقتى جەرگە قوندىردى..."

پەكٸستاندىق دەرٸگەر يشان حۋسەيني مەديتسينا سالاسىندا جاساعان ەرەن ەڭبەگٸ ٷشٸن ماراپات الۋعا حالىقارالىق بٸر كونفەرەنتسيياعا بارا جاتقان ەدٸ. ۇشاققا وتىرادى. بٸراق اۋا رايى كٷرت ٶزگەرٸپ, نايزاعاي ويناعاندىقتان ۇشاق ەڭ جاقىن جەردەگٸ ەۋەجايعا قونۋعا مەجبٷر بولادى.

بۇدان كەيٸنگٸ ۇشاق 16 ساعاتتان سوڭ ۇشاتىن ەدٸ. "ول كونفەرەنتسيياعا مٸندەتتٸ تٷردە ٷلگەرۋٸم كەرەك. 16 ساعات كٷتە المايمىن» دەيدٸ دەرٸگەر. ەۋەجاي قىزمەتكەرلەرٸ باراتىن قالاسى 6 ساعاتتىق جەردە ەكەنٸن, قالاسا ماشينا جالداپ بارا الاتىنىن ايتتى. حۋسەيني اسىعىس جولعا شىعادى, بٸراق قاتتى جاڭبىر جولدى كٶرسەتپەي, اقىرى سوڭىندا سەلدٸڭ سالدارىنان كٶلٸك جولدا جٷرە المايتىن جاعدايعا جەتتٸ.

دەرٸگەر جولدىڭ شەتٸندەگٸ ەسكٸ بٸر ٷيدٸڭ ەسٸگٸن قاعىپ, جىلدام ٸشكە كٸردٸ. ٷيدە كارت بٸر ەيەل وتىر ەدٸ. دەرٸگەر اسىعىس تٷردە وعان: «تەلەفونىڭدى بەرە تۇرشى, قوڭىراۋ شالۋىم كەرەك», دەگەن كەزدە ەيەل: «بالام-اۋ, كٶرمەي تۇرمىسىڭ? بۇل جەردە تەلەفون تٷگٸلٸ ەلەكتر قۋاتى دا جوق. كەلە عوي بٸراز دەمال, تاماق ٸش, شەي ٸش سودان كەيٸن ول جۇمىستارىڭدى كٶرە جاتارسىڭ», - دەيدٸ. جٸگٸت شاراسىز تٷردە قارت كٸسٸنٸڭ ايتقاندارىنا كەلٸسٸپ, بٸراز جىلىنىپ, تاماقتانىپ بولىپ شەي ٸشٸپ وتىرعان ۋاقىتتا ەيەل كٸسٸ ناماز وقىپ, ۇزااااق دۇعا ەتٸپ, اللاعا جالبارىندى.

حۋسەيني نازار سالىپ قاراپ ەيەلدٸڭ بٸر بەسٸكتٸ تەربەتٸپ جاتقانىن جەنە بەسٸكتە قيمىلسىز كٸشكەنتاي نەرەستەنٸڭ جاتقانىن كٶردٸ. «مۇنشالىق جىلاپ دۇعا قىلارداي نە جاعداي بولدى? مىناۋ كٸمنٸڭ بالاسى, اپاتاي?" – دەپ سۇرايدى.

قارت ەيەل: "بۇل – اناسىنان دا, ەكەسٸنەن دە جەتٸم قالعان نەمەرەم. اۋىر دەرتٸ بار. جاقىن ماڭايداعى ەشبٸر دەرٸگەر ەمٸن تابا المادى. يشان حۋسەيني دەگەن دەرٸگەر بار ەكەن, ەمٸن تەك سول بٸلەدٸ دەيدٸ. بٸراق ول ٶتە الىستا, وعان جەتۋ ٷشٸن بٸرنەشە كٷن جول جٷرۋ كەرەك. شاراسىزدان «اللا بۇل سەبيدٸڭ دەرتٸن جەڭٸلدەتٸپ, شيپاسىن بەرسٸن» دەپ اللاعا دۇعا قىلۋدامىن.

سول سەتتەر دەرٸگەر حۋسەيني كٶز جاسىنا ەرٸك بەرگەن ەدٸ, ەكٸ بەتٸن جاس جۋعان كٷيٸ: «تۇر اپاتايىم. اللا سەنٸڭ دۇعاڭدى قابىل قىلدى. سەنٸڭ دۇعاڭ كٶكتە نايزاعاي ويناتىپ, ۇشاقتى جەرگە قوندىردى, اسپاننان جاڭبىر جاۋعىزىپ, جەر جٷزٸن سەلگە اينالدىرىپ, مەنٸ سٸزگە الىپ كەلدٸ» دەگەن ەكەن.

مۇحتار شاحانوۆتىڭ فەيسبۋكتاعى پاراقشاسىنان