رەسەيدٸڭ كٶپٸرلەر مەن ەنەرگەتيكالىق ينفراقۇرىلىمعا سوققىلارى كٷشەيگەندٸكتەن, كيەۆ قىسقا مەرزٸمدە قيىن جاعدايعا تاپ بولۋى مٷمكٸن. وسىعان بايلانىستى قالا ەكٸمٸ ۆيتاليي كليچكو تۋىستارى نەمەسە تانىستارى قالادان تىس جەردە تۇراتىن تۇرعىندارعا قىستا ۋاقىتشا كٶشٸپ كەتۋ مٷمكٸندٸگٸن قاراستىرۋعا كەڭەس بەردٸ, دەپ حابارلايدى ult.kz France24 باسىلىمىنا سٸلتەمە جاساپ.
كليچكونىڭ ايتۋىنشا, رەسەيدٸڭ كيەۆكە شابۋىلى كٷشەيٸپ, قالاداعى جاعداي قيىنداپ بارادى. سوندىقتان بيلٸك الداعى قىسقا دايىندىقتى كٷشەيتٸپ, تۇرعىنداردىڭ قاۋٸپسٸزدٸگٸن قامتاماسىز ەتۋگە باسىمدىق بەرٸپ وتىر.
«كٷن سايىن قيراعان عيماراتتار, جارالانعاندار مەن قازا تاپقاندار تۋرالى جاڭا حابارلار تٷسٸپ جاتىر. قالامىزعا جاسالعان شابۋىلدار كٷشەيٸپ كەلەدٸ. قازٸر باستى مەسەلە – امان قالۋ», – دەدٸ كيەۆ ەكٸمٸ.
سونىمەن بٸرگە كليچكو تۇرعىنداردى قالادان جاپپاي كەتۋگە شاقىرمايتىنىن اتاپ ٶتتٸ. ونىڭ سٶزٸنشە, رەسەيدٸڭ كٶزدەگەنٸ – ادامداردىڭ قالانى تاستاپ, بوس قالالاردى جاۋعا قالدىرۋى.
قىستا جاعداي قيىنداۋى مٷمكٸن
قالا ەكٸمٸ سۋ جٷيەسٸنە سوققى جاسالعان جاعدايدا كيەۆتە اۋقىمدى داعدارىس تۋىنداۋى مٷمكٸن ەكەنٸن ەسكەرتتٸ. سونداي-اق ەۋە شابۋىلىنا قارسى قورعانىس جٷيەسٸ دۇرىس جۇمىس ٸستەمەسە, ەلورداداعى جاعداي ودان ەرٸ قيىنداۋى ىقتيمال.
قازٸر قالا بيلٸگٸ قىسقا دايىندىق اياسىندا قوسىمشا جىلۋ جٷيەلەرٸن سالىپ, جانارماي, ازىق-تٷلٸك پەن اۋىزسۋ قورىن جيناپ جاتىر.
بۇدان بٶلەك, رەسەيدٸڭ دنەپر ٶزەنٸ ارقىلى ٶتەتٸن كٶپٸرلەرگە سوققى جاساۋى كٶلٸك قاتىناسىنا قاۋٸپ تٶندٸرگەن. كليچكونىڭ ايتۋىنشا, ٶزەننٸڭ سول جەنە وڭ جاعالاۋىن بايلانىستىرۋ – قالانىڭ قالىپتى جۇمىس ٸستەۋٸ ٷشٸن ماڭىزدى. وسىعان بايلانىستى بيلٸك ٶزەننەن ٶتۋدٸڭ بالاما جولدارىن, سونىڭ ٸشٸندە پونتون كٶپٸرلەرٸن ورناتۋ مٷمكٸندٸگٸن قاراستىرىپ جاتىر.
كيەۆ ەكٸمٸ بۇعان دەيٸن دە جىلۋ تاپشىلىعىنا بايلانىستى تۇرعىندارعا مٷمكٸندٸك بولسا, قالا سىرتىنداعى جەرلەرگە ۋاقىتشا كٶشۋدٸ ۇسىنعان ەدٸ. ول مۇنداي ەسكەرتۋلەردٸ حالىقتى ىقتيمال قيىندىقتارعا الدىن الا دايىنداۋ ٷشٸن جاساپ وتىرعانىن ايتتى.
