Geely Galaxy برەندٸ قازاقستانداعى قىزمەتٸنٸڭ جىلدىعىنا وراي جاڭا قوسىلاتىن گيبريدتٸ Monjaro EM-i كروسسوۆەرٸن تانىستىرىپ, كٶلٸككە الدىن الا تاپسىرىس قابىلداۋدى باستادى. مودەل ەكٸ نۇسقادا ۇسىنىلادى. باعاسى – 14,99 ميلليون تەڭگەدەن باستالادى, دەپ حابارلايدى ult.kz.
قازاقستانداعى Allur اۆتوموبيلدەر توبىنىڭ پورتفەلٸندەگٸ Geely Galaxy برەندٸ جاڭا Monjaro EM-i گيبريدتٸ كروسسوۆەرٸن نارىققا شىعاردى. كٶلٸك MAX جەنە ULTRA دەپ اتالاتىن ەكٸ جيناقتامادا قولجەتٸمدٸ.
MAX نۇسقاسى الدىڭعى جەتەكپەن جابدىقتالعان جەنە 279 ات كٷشٸنە يە. ال تولىق جەتەكتٸ ULTRA نۇسقاسىنىڭ قۋاتى – 340 ات كٷشٸ.
ەكٸ نۇسقادا دا 1,5 ليترلٸك بەنزيندٸ تۋربوموتور, ەلەكتر قوزعالتقىشى جەنە ٷش ساتىلى 3DHT گيبريدتٸ ترانسميسسيياسى بٸرٸكتٸرٸلگەن. اۆتوكٶلٸك PHEV تەحنولوگيياسىمەن جابدىقتالعان, ياعني ونىڭ اككۋمۋلياتورىن سىرتقى قۋات كٶزٸنەن زاريادتاۋعا بولادى. بۇل قالا ٸشٸندە ەلەكتر قۋاتىمەن جٷرۋگە, ال ۇزاق ساپارلاردا گيبريدتٸ جٷيەنٸ پايدالانۋعا مٷمكٸندٸك بەرەدٸ.
MAX جيناقتاماسى 544 ن·م اينالۋ مومەنتٸن قامتاماسىز ەتەدٸ. ول ساعاتىنا 100 شاقىرىم جىلدامدىققا 7,7 سەكۋندتا جەتەدٸ. سىيىمدىلىعى 18,4 كۆت·ساع اككۋمۋلياتور بٸر قۋاتپەن ەلەكتر رەجيمٸندە 92 شاقىرىمعا دەيٸن جٷرۋگە مٷمكٸندٸك بەرەدٸ. ال جالپى جٷرٸس قورى NEDC تسيكلٸ بويىنشا 1200 شاقىرىمعا دەيٸن جەتەدٸ.
تولىق جەتەكتٸ ULTRA نۇسقاسىنىڭ اينالۋ مومەنتٸ – 667 ن·م. ول 100 شاقىرىم جىلدامدىققا 5,83 سەكۋندتا ٷدەيدٸ. سىيىمدىلىعى 29,8 كۆت·ساع اككۋمۋلياتورى ەلەكتر قۋاتىمەن 130 شاقىرىمعا دەيٸن جٷرۋگە مٷمكٸندٸك بەرەدٸ. جالپى جٷرٸس قورى – 1095 شاقىرىمعا دەيٸن.
جىلدام تۇراقتى توك زاريادتاۋ ستانتسيياسىندا اككۋمۋلياتور قۋاتىن 30-دان 80 پايىزعا دەيٸن تولىقتىرۋعا MAX نۇسقاسىنا شامامەن 20 مينۋت, ال ULTRA نۇسقاسىنا 15 مينۋت قاجەت. بۇل ۋاقىت زاريادتاۋ ستانتسيياسىنىڭ قۋاتىنا, اۋا تەمپەراتۋراسىنا جەنە اككۋمۋلياتوردىڭ جاعدايىنا بايلانىستى ٶزگەرۋٸ مٷمكٸن.
كەڭ سالون مەن زاماناۋي جابدىقتار
Monjaro EM-i كروسسوۆەرٸنٸڭ ۇزىندىعى – 4800 مم, ەنٸ – 1895 مم, بيٸكتٸگٸ – 1700 مم. دٶڭگەلەك بازاسى 2845 مم. جٷكسالعىشىنىڭ كٶلەمٸ 633 ليتردٸ قۇرايدى. ارتقى ورىندىقتاردىڭ ارقالىعىن بٷكتەگەندە بۇل كٶرسەتكٸش 1532 ليترگە دەيٸن ۇلعايادى.
كٶلٸكتٸڭ ستاندارتتى جابدىقتالۋىنا ەلەكتر جەتەگٸ بار پانورامالىق شاتىر, ەكٸ ايماقتى كليمات-باقىلاۋ جٷيەسٸ, الدىڭعى جەنە ارتقى ورىندىقتاردى, رۋل مەن الدىڭعى ەينەكتٸ جىلىتۋ فۋنكتسييالارى كٸرەدٸ.
سونداي-اق Flyme Auto مۋلتيمەديالىق جٷيەسٸ ورناتىلعان. ورتالىق ەكراننىڭ ٶلشەمٸ – 15,4 ديۋيم. جٷيە Apple CarPlay جەنە Android Auto پلاتفورمالارىن قولدايدى.
جٷرگٸزۋشٸگە كٶمەكتەسەتٸن جٷيەلەر قاتارىندا اداپتيۆتٸ كرۋيز-باقىلاۋ, اۆتوماتتى شۇعىل تەجەۋ, جولاقتا ۇستاۋ كٶمەكشٸسٸ, سوقىر ايماقتاردى باقىلاۋ جەنە 540 گرادۋستىق شولۋ جٷيەسٸ بار. سوڭعىسى كٶلٸكتٸڭ استىنداعى كەڭٸستٸكتٸ دە ەكراننان كٶرۋگە مٷمكٸندٸك بەرەتٸن «مٶلدٸر شاسسي» فۋنكتسيياسىمەن جابدىقتالعان.
ال جوعارى جيناقتامادا 25,6 ديۋيمدٸك W-HUD پروەكتسييالىق ديسپلەي, 16 ديناميكتٸ اۋديوجٷيە, الدىڭعى ورىندىقتاردى جەلدەتۋ جەنە ماسساج جاساۋ فۋنكتسييالارى قاراستىرىلعان. سونىمەن قاتار ULTRA نۇسقاسىندا شۋدان قورعايتىن اتەرمالدى الدىڭعى ەينەك بار.
كٶلٸكتٸڭ باعاسى قانشا?
قازاقستاندا Geely Galaxy Monjaro EM-i كٶلٸگٸنٸڭ MAX جيناقتاماسى 14 990 000 تەڭگەدەن, ال ULTRA نۇسقاسى 15 990 000 تەڭگەدەن ساتىلىمعا ۇسىنىلادى.
الدىن الا تاپسىرىستى قازاقستانداعى رەسمي Geely Galaxy ديلەرلٸك ورتالىقتارىندا رەسٸمدەۋگە بولادى. ول ٷشٸن كٶلٸك قۇنىنىڭ 10 پايىزىن الدىن الا تٶلەۋ قاجەت.
ارنايى ۇسىنىس بويىنشا الدىن الا تاپسىرىس بەرٸپ, 10 پايىز كٶلەمٸندە تٶلەم جاساعان العاشقى 150 كليەنتكە قىسقى دٶڭگەلەكتەر جيىنتىعى سىيعا بەرٸلەدٸ. كليەنتتەردٸڭ كەزەگٸ الدىن الا تٶلەم جاسالعان ۋاقىتقا قاراي انىقتالادى.
جيناقتامالار مەن تاپسىرىس رەسٸمدەۋ شارتتارى تۋرالى تولىق اقپاراتتى رەسمي ديلەرلٸك ورتالىقتاردان الۋعا بولادى.