Қазақстан Тәуелсіздігіне 25 жыл

Freedom Holding Corp. كومپانيياسىنىڭ 2-توقسانداعى تٷسٸمٸ 81%-عا ٶستٸ

Freedom Holding Corp. كومپانيياسىنىڭ 2-توقسانداعى تٷسٸمٸ 81%-عا ٶستٸ
Freedom Holding Corp.

Freedom Holding Corp. 2027 قارجى جىلىنىڭ 2026 جىلعى 30 قىركٷيەكتە اياقتالعان 2-توقسانىنىڭ قارجىلىق نەتيجەلەرٸن جارييالادى.

قارجىلىق كٶرسەتكٸشتەرٸ

Freedom Holding Corp. كومپانيياسىنىڭ 2027 قارجى جىلىنىڭ 2-توقسانىنداعى جيىنتىق تٷسٸمٸ بىلتىرعى سەيكەس كەزەڭدەگٸ 503,6 ملن اقش دوللارىمەن سالىستىرعاندا 910,1 ملن اقش دوللارى بولدى. ٶسٸمگە ساقتاندىرۋ بويىنشا تازا تٷسٸم, پايىزدىق كٸرٸس, تاۋار مەن كٶرسەتٸلەتٸن قىزمەتتەردٸ ساتۋدان تٷسكەن تٷسٸم, ساۋداعا ارنالعان باعالى قاعازدار بويىنشا تازا پايدا جەنە شەتەل ۆاليۋتاسىمەن جاسالعان وپەراتسييالاردان تٷسكەن تازا پايدا ىقپال ەتتٸ. سالىق سالىنعانعا دەيٸنگٸ پايدا 50,2 ملن اقش دوللارى, تازا پايدا 46,1 ملن اقش دوللارى, ال بٸر جاي اكتسيياعا شاققانداعى پايدا 0,77 اقش دوللارى بولدى.

2027 قارجى جىلىنىڭ 6 ايىندا (2026 جىلعى 1 سەۋٸردەن 30 قىركٷيەككە دەيٸن) جيىنتىق تٷسٸم 1 642,6 ملن اقش دوللارىن, ال تازا پايدا 77,7 ملن اقش دوللارىن قۇرادى. 

2026 جىلعى 30 قىركٷيەكتەگٸ جاعداي بويىنشا قاراجات پەن ونىڭ بالاماسىنىڭ, شەكتەۋلٸ قاراجات پەن ينۆەستيتسييالىق باعالى قاعازداردىڭ جالپى كٶلەمٸ 8,4 ملرد اقش دوللارىن, جيىنتىق اكتيۆتەر 16,6 ملرد اقش دوللارىن, ال اكتسيونەرلەردٸڭ مەنشٸكتٸ كاپيتالى 2,0 ملرد اقش دوللارىن قۇرادى.

كليەنتتەر قورى

Freedom Holding Corp. قۇرامىنا كٸرەتٸن كومپانييالاردىڭ كليەنتتەر قورى 2026 جىلعى 30 ماۋسىمداعى 8,7 ملن-مەن سالىستىرعاندا 9,3 ملن-عا دەيٸن ٶستٸ. ەسەپتٸ كەزەڭنٸڭ سوڭىنداعى كٶرسەتكٸشتەر: بروكەرلٸك شوتتار سانى – 907 مىڭ, ساقتاندىرۋ سەگمەنتٸندەگٸ كليەنتتەر سانى – 878 مىڭ, قارجىلىق ەمەس كومپانييالاردىڭ كليەنتتەرٸ – 1 553 مىڭ, ال Freedom SuperApp موبيلدٸ بانكينگ قولدانباسىن پايدالانۋشىلار سانى 6,4 ملن ادامدى قۇرادى.

سەرٸكتەس كومپانييالاردىڭ پايدالانۋشىلارىن قوسا العاندا, 2026 جىلعى 30 قىركٷيەكتەگٸ جاعداي بويىنشا Freedom ەكوجٷيەسٸنٸڭ كليەنتتەرٸ جالپى 14,3 ملن-عا جەتتٸ.

نەتيجەلەردٸڭ نەگٸزگٸ فاكتورلارى

ساقتاندىرۋ بويىنشا تازا تٷسٸم 102,8 ملن اقش دوللارىنان 254,8 ملن اقش دوللارىنا دەيٸن ٶستٸ. بۇعان نەگٸزٸنەن كليەنتتەردٸڭ ساقتاندىرۋ شارتتارى بويىنشا تٶلەيتٸن جارنالارىنىڭ ارتۋى ىقپال ەتتٸ. ٶسٸم جاڭا شارتتار جاساسۋ ارقىلى زەينەتاقى اننۋيتەتتەرٸ پورتفەلٸنٸڭ جوسپارلى تٷردە كەڭەيۋٸ ەسەبٸنەن قامتاماسىز ەتٸلدٸ. 

حولدينگتٸڭ پايىزدىق كٸرٸسٸ 211,7 ملن اقش دوللارىنان 323,9 ملن اقش دوللارىنا دەيٸن ٶستٸ. بۇعان كليەنتتەرگە بەرٸلگەن مارجالىق قارىز بەن كرەديتتەردەن, كەرٸ رەپو وپەراتسييالارىنان, بانكتەردە ورنالاستىرىلعان قاراجاتتان, سونداي-اق ٶتەۋگە دەيٸن ۇستالاتىن, ساۋداعا ارنالعان جەنە ساتۋعا قولدا بار باعالى قاعازداردان تٷسكەن كٸرٸستٸڭ ارتۋى ىقپال ەتتٸ.

تاۋار مەن كٶرسەتٸلەتٸن قىزمەتتەردٸ ساتۋدان تٷسكەن تٷسٸم 20,0 ملن اقش دوللارىنان 50,8 ملن اقش دوللارىنا دەيٸن ٶستٸ. بۇعان نەگٸزٸنەن تەلەكوممۋنيكاتسييا سەگمەنتٸندەگٸ ٶسٸم جەنە Freedom ازىق-تٷلٸك باعىتى بويىنشا تاپسىرىستار سانىنىڭ ارتۋى ىقپال ەتتٸ.

ساۋداعا ارنالعان باعالى قاعازدار بويىنشا تازا پايدا 66,4 ملن اقش دوللارىن قۇرادى (بىلتىرعى 37,1 ملن اقش دوللارى بولعان). بۇل نەتيجەگە, ەڭ الدىمەن, قازاقستاننىڭ مەملەكەتتٸك وبليگاتسييالارىن ساتۋدان تٷسكەن پايدا ەسەبٸنەن قول جەتكٸزٸلدٸ.

ۆاليۋتالىق وپەراتسييالار نەتيجەسٸندە 26,7 ملن اقش دوللارى كٶلەمٸندە پايدا تٷستٸ. بىلتىر بۇل كٶرسەتكٸش 0,01 ملن اقش دوللارى بولعان. بۇعان نەگٸزٸنەن توقسان ٸشٸندە تەڭگەنٸڭ 8%-عا نىعايۋى اياسىندا Freedom Bank-تەگٸ قايتا باعالاۋدان تٷسكەن وڭ باعامدىق ايىرما ىقپال ەتتٸ. 

سونىمەن قاتار شىعىس تا ٶستٸ: بىلتىرعى 446,2 ملن اقش دوللارىمەن سالىستىرعاندا شامامەن 859,9 ملن اقش دوللارىن قۇرادى. بۇعان نەگٸزٸنەن ساقتاندىرۋ تٶلەمدەرٸ, پايىزدىق شىعىس, ەڭبەكاقى تٶلەۋ, ساتىلعان تاۋار مەن كٶرسەتٸلگەن قىزمەتتەردٸڭ ٶزٸندٸك قۇنى, جالپى جەنە ەكٸمشٸلٸك شىعىس ەسەر ەتتٸ. بۇل ٶسٸم كوميسسييالىق شىعىستىڭ تٶمەندەۋٸ ەسەبٸنەن ٸشٸنارا ٶتەلدٸ.

Freedom بيزنەسٸن دامىتۋمەن قاتار, «Freedom شاپاعات» كورپوراتيۆتٸك قورى ارقىلى قازاقستانداعى ەلەۋمەتتٸك باستامالار مەن ورنىقتى دامۋ جوبالارىن قولداۋدى جالعاستىرۋدا. 2026 جىلدىڭ 9 ايىندا وسى باعىتتاردى ٸسكە اسىرۋعا 44 ملن اقش دوللارىنان استام قاراجات بٶلٸندٸ.

كەزەڭنٸڭ ماڭىزدى جەتٸستٸكتەرٸ

قارجىلىق نەتيجەلەردەن بٶلەك, ەسەپتٸ كەزەڭ Freedom Holding Corp. كومپانيياسىنىڭ نارىقتاعى پوزيتسيياسىن نىعايتىپ, توپتىڭ نەگٸزگٸ سالالارداعى قاتىسۋ اياسىن كەڭەيتكەن ماڭىزدى وقيعالارمەن ەرەكشەلەندٸ. 

2026 جىلعى ماۋسىمدا S&P Global Ratings Freedom توبىنىڭ بٸرقاتار نەگٸزگٸ كومپانيياسىنىڭ, سونىڭ ٸشٸندە «فريدوم بانك قازاقستان» اق-تىڭ ۇزاق مەرزٸمدٸ رەيتينگتەرٸن «B+»-تەن «BB-»-كە دەيٸن كٶتەردٸ. قىركٷيەكتە اگەنتتٸك حولدينگ پەن توپتىڭ تٶرت نەگٸزگٸ كومپانيياسىنىڭ ۇزاق مەرزٸمدٸ رەيتينگتەرٸ بويىنشا بولجامدى «تۇراقتى» دەڭگەيدەن «وڭ» دەڭگەيگە دەيٸن جاقسارتتى. بۇل رەتتە ەنشٸلەس كومپانييالاردىڭ رەيتينگتەرٸ «BB-/B» دەڭگەيٸندە راستالدى. بۇدان بٶلەك, «فريدوم فينانس» اق پەن «فريدوم بانك قازاقستان» اق-تىڭ ۇلتتىق رەيتينگتەرٸ «kzA-»-دان «kzA»-عا دەيٸن كٶتەرٸلدٸ.

2026 جىلى «فريدوم بانك قازاقستان» اق, «Freedom Finance Insurance» سك» اق جەنە «Freedom Life» سك» اق Moody’s Ratings اگەنتتٸگٸنەن العاش رەت ۇزاق مەرزٸمدٸ رەيتينگتەر الدى. ولاردىڭ دەڭگەيلەرٸ تيٸسٸنشە «Ba3», «Ba1» جەنە «Baa3» دەڭگەيٸندە بولدى, بولجامدارى — «تۇراقتى». وسىلايشا, ەندٸ بۇل كومپانييالاردىڭ كرەديت قابٸلەتتٸلٸگٸن ەكٸ حالىقارالىق رەيتينگتٸك اگەنتتٸك باعالايدى, ال «Freedom Life» سك» اق-تىڭ رەيتينگٸ ينۆەستيتسييالىق دەڭگەيدە بەلگٸلەندٸ. 

قاراشادا رەيتينگتٸك باعالاۋلاردىڭ وڭ سەرپٸنٸ جالعاستى. S&P Global Ratings «Freedom Finance Insurance» سك» اق رەيتينگٸن بٸر ساتىعا — «BB-»-تەن «BB»-كە دەيٸن كٶتەرٸپ, بولجامىن «تۇراقتى» دەڭگەيدە ساقتادى.

26 قىركٷيەكتە سامارقاند قالاسىندا ٶتكەن حالىقارالىق شاحمات فەدەراتسيياسىنىڭ (FIDE) باس اسسامبلەياسىندا Freedom Holding Corp. كومپانيياسىنىڭ باس اتقارۋشى ديرەكتورى تيمۋر تۋرلوۆ ۇيىم پرەزيدەنتٸ بولىپ سايلاندى.

توپ قازاقستانداعى تابيعاتتى قورعاۋ باستاماسىن دا ەرٸ قاراي قولداۋدا. «ٸلە-بالقاش» مەملەكەتتٸك تابيعي رەزەرۆاتىندا امۋر اتتى تٶرت جاستاعى اتالىق امۋر جولبارىسى تابيعي ورتاعا جٸبەرٸلدٸ. ول — ەلدٸڭ جابايى تابيعاتىنا قايتا جٸبەرٸلگەن ەكٸنشٸ جىرتقىش. العاشقىسى — شٸلدەدە تابيعي ورتاعا جٸبەرٸلگەن ٷمٸت اتتى جولبارىس ۇرعاشىسى.  باعدارلامانى «Freedom شاپاعات» كورپوراتيۆتٸك قورى قولدايدى. 2024 جىلدان بەرٸ Freedom وسى باعدارلاماعا 102 ملن تەڭگەدەن استام قاراجات بٶلدٸ. قاراجات قازاقستاندىق مامانداردى وقىتۋعا, رەزەرۆاتتاعى قورشاۋلاردى جابدىقتاۋعا جەنە جولبارىستاردى تاسىمالداۋعا جۇمسالدى.

رەليز جارييالانعان سەتتە توپتىڭ ينفراقۇرىلىمدىق جوبالارىنىڭ ودان ەرٸ دامۋىن ايقىندايتىن تاعى بٸرنەشە ماڭىزدى وقيعا بولدى. 

Freedom جەنە نەگٸزگٸ ينۆەستورى «بەيتەرەك» ۇبح» اق-تىڭ ەنشٸلەس ۇيىمى — «Qazaqstan Investment Corporation» اق بولىپ تابىلاتىن Kokzhiyek Fund L.P. قورى توپتىڭ ينۆەستيتسييالىق جوبالارىن وبليگاتسييالىق قارجىلاندىرۋ تۋرالى كەلٸسٸمگە قول قويدى. ولاردىڭ قاتارىندا دەرەكتەردٸ ٶڭدەۋ ورتالىقتارى, جاساندى ينتەللەكتكە ارنالعان ەسەپتەۋ كلاستەرٸ, ماگيسترالدىق بايلانىس جەلٸلەرٸ, حالىقارالىق بايلانىس ارنالارى مەن پلاتفورمالار, ترانسشەكارالىق ساۋدا جەنە لوگيستيكا بار.

سونداي-اق حولدينگ Freedom Lab ەنشٸلەس كومپانيياسى ارقىلى قازاقستان رەسپۋبليكاسىنىڭ كٶلٸك مينيسترلٸگٸمەن اۆتوموبيل جولدارىن باقىلاۋدىڭ ينتەللەكتۋالدى جٷيەسٸن (اجبيج) قۇرۋ تۋرالى كەلٸسٸمگە قول قويدى. جوباعا قۇيىلاتىن ينۆەستيتسييا كٶلەمٸ 112 ملرد تەڭگەدەن اسادى. جوبا قازاقستاننىڭ اۆتوموبيل جولدارىنداعى جٷك اعىندارىن ٶلشەۋ مەن تالداۋدىڭ بٸرىڭعاي جٷيەسٸن قۇرۋعا مٷمكٸندٸك بەرەدٸ.