Áleýmettik jelide belgili ánshi Saiat Medeýovtiń qatysýymen túsirilgen video qyzý talqyǵa tústi. Kadrlardy kórgen jeli qoldanýshylary óner iesiniń densaýlyǵyna alańdaýshylyq bildirdi, dep habarlaidy ult.kz.

Atalǵan beinejazbany ánshi Baǵlan Ábdiraiymov óziniń áleýmettik jelidegi paraqshasynda jariialaǵan. Videoda eki óner iesi birge kórinedi.

Jeli qoldanýshylary Saiat Medeýovtiń syrt kelbetine nazar aýdaryp, onyń qazirgi jaǵdaiyna qatysty túrli boljamdar aitqan. Kópshilik ánshiniń amandyǵyn tilep, densaýlyǵyna alańdaýshylyq bildirgen.

Aita keteiik, Baǵlan Ábdiraiymov tegin án suraityn tanystaryna nazyn aitty.

Saiat Medeýov kim?

Saiat Medeýov – qazaq estradasy men dástúrli án óneriniń belgili ókili, Qazaqstan Respýblikasynyń eńbek sińirgen qairatkeri.

Óner iesi 1973 jyly 7 qarashada Jambyl oblysy Qordai aýdanynyń Kenen aýylynda dúniege kelgen. 2001–2005 jyldary Júsipbek Elebekov atyndaǵy Respýblikalyq estrada-tsirk kolledjinde bilim alǵan.

Ánshi 1998 jyldan bastap kópshilikke tanyla bastady. Onyń oryndaýyndaǵy “Boztorǵai”, “Kók sholaq”, “Altynym”, “Qairan jastyq”, “Samal taý”, “Aýylym” jáne “Áke” ánderi tyńdarmanǵa keńinen tanymal.

2015 jyly Saiat Medeýovke “Qazaqstan Respýblikasynyń eńbek sińirgen qairatkeri” qurmetti ataǵy berildi.