Aqbota Asqarbekova Túrkiiadaǵy demalysynan sýretterimen bólisti, dep habarlaidy ult.kz.
Óner iesi otbasymen birge Túrkiianyń Belek qalasynda demalyp júr. Ol kún shýaǵyna bólengen demalys sátterin Instagram paraqshasynda jariialady. Kadrlardyń birinde Asha Matai jaǵajai kiimimen sýretke túsken. Sondai-aq fotolardan onyń eki qyzyn da kórýge bolady.
Alaida kópshiliktiń nazaryn ánshiniń demalys kezindegi sýretterinen góri jazǵan oily pikiri aýdardy. Óner iesi ómirdiń ótkinshi ekenin eske salyp, ózgelerdi synaýǵa ýaqyt joǵaltpaýǵa shaqyrdy.
"Sen de tursyń, men de turmyn kezekte...
Ómir – bir sát. Sondyqtan bos áńgimege, bireýdi synaýǵa, ózgeniń ómirin talqylaýǵa ýaqyt joǵaltpaiyq.
Adamnyń kúni – adammen. Bir-birimizge jaqsy sóz aityp, qoldaý kórsetip, syilastyqpen qaraiyq. Ár kúnimizdi baǵalap, ainalamyzǵa jaqsylyq syilap júreiik!" – dep jazdy Asha Matai.
Ánshiniń bul jazbasy ómirdiń qadirin bilý, adamdar arasyndaǵy syilastyq pen meiirimdilik týraly oi qozǵaidy.
Asha Matai áleýmettik jelidegi paraqshasynda otbasylyq ómirinen, shyǵarmashylyǵynan jáne kúndelikti tirshiliginen úzindiler jariialap turady. Bul joly da óner iesi demalys sýretterin bólisip qana qoimai, oqyrmandaryna bir-birin baǵalap, jaqsylyq jasaýǵa úndeitin jazba arnady.
Asha Matai kim?
Asha Matai – qazaqstandyq ánshi, aktrisa, telejúrgizýshi jáne media tulǵa. Onyń shyn esimi – Aqbota Maratqyzy Asqarbekova. Óner iesi 1988 jyly 22 jeltoqsanda dúniege kelgen. Ol Almaty qalasynda zańgerler otbasynda tárbielengen. Bolashaq ánshi Almatydaǵy №163 orta mektepti támamdaǵan. Keiin ál-Farabi atyndaǵy Qazaq ulttyq ýniversitetinde halyqaralyq quqyq mamandyǵy boiynsha bilim alǵan.
Asha Matai bala kezinen án aityp, bi bileýge qyzyǵýshylyq tanytqan. Sonymen qatar úlken tennispen ainalysyp, sport sheberligine úmitker atanǵan. Ol 2008 jyldan bastap HitTV mýzykalyq arnasynda júrgizýshi bolyp jumys istep, kópshilikke tanyla bastady. Shyǵarmashylyq jolynda "Shabyt" jáne "Jahan dala" halyqaralyq baiqaýlarynyń bas júldesin jeńip alǵan. Sondai-aq respýblikalyq "Imperiia zvezd" televiziialyq baiqaýynyń jeńimpazy atanǵan.
Asha Matai "Birjan sal", "Astana – ǵashyqtar mekeni", "Ǵashyq júrek" jáne "16 qyz" filmderine túsken. Budan bólek, "Janym-2" telehikaiasynda Saltanat esimdi keiipkerdi somdaǵan. Ol "Qalaýlym" jáne "Kesh jaryq, Qazaqstan" telebaǵdarlamalarynyń júrgizýshisi retinde de tanylǵan. Óner iesi ánshilik, akterlik jáne telejúrgizýshilik qyzmetin qatar alyp júrip, qazaqstandyq shoý-bizneste ózindik ornyn qalyptastyrǵan.
