Senatorlyqqa úmitkerlerdiń qatarynda injener, ekonomist, pedagog, dáriger, jýrnalist mamandyǵynyń ieleri bar. Bul týraly QR Ortalyq sailaý komissiiasynyń tóraǵasy Berik Imashev aitty, dep habarlaidy "Ult aqparat".
Onyń dereginshe, úmitkerleriń arasynda 26 injener, 20 ekonomist, 12 pedagog, 10 zańger, 10 agrarlyq sala qyzmetkeri, 4 dáriger, 3 jýrnalist, 1 saiasattanýshy jáne 1 basqa mamandyq iesi bar.
«Kandidattar arasynda 18 kommertsiialyq qurylym qyzmetkeri, 23 memlekettik uiymdardyń, kásiporyndardyń memlekettik qyzmetkeri, 18 memlekettik qyzmetshi, 9 qoǵamdyq uiymdardyń ókili jáne 2 jumyssyz úmitker bar. Sonymen qatar qazirgi ýaqytta qyzmet atqaryp otyrǵan 4 senator óz kandidatýralaryn usyndy. Qazirgi ýaqytta Senat depýtattyǵyna kandidattardy tirkeý protsesi júrip jatyr. Ol osy jyldyń 23 shildesine deiin jalǵasady. Búgingi kúni sailaý komissiialarymen 62 kandidat tirkeldi», - dedi Berik Imashev OSK otyrysy barysynda.
Aita keteiik, 2014 jyly sailanǵan Senat depýtattarynyń ókilettik merzimi osy jyldyń qazan aiynda aiaqtalady. Osylaisha, 2020 jyldyń 12 tamyzynda elimizdiń joǵary zań shyǵarýshy organy joǵarǵy palatasyna 17 óńirden bir-bir depýtattan sailanýy qajet.
