سەناتورلىققا ٷمٸتكەرلەردٸڭ قاتارىندا ينجەنەر, ەكونوميست, پەداگوگ, دەرٸگەر, جۋرناليست ماماندىعىنىڭ يەلەرٸ بار. بۇل تۋرالى قر ورتالىق سايلاۋ كوميسسيياسىنىڭ تٶراعاسى بەرٸك يماشەۆ ايتتى, دەپ حابارلايدى "ۇلت اقپارات".
ونىڭ دەرەگٸنشە, ٷمٸتكەرلەرٸڭ اراسىندا 26 ينجەنەر, 20 ەكونوميست, 12 پەداگوگ, 10 زاڭگەر, 10 اگرارلىق سالا قىزمەتكەرٸ, 4 دەرٸگەر, 3 جۋرناليست, 1 ساياساتتانۋشى جەنە 1 باسقا ماماندىق يەسٸ بار.
«كانديداتتار اراسىندا 18 كوممەرتسييالىق قۇرىلىم قىزمەتكەرٸ, 23 مەملەكەتتٸك ۇيىمداردىڭ, كەسٸپورىنداردىڭ مەملەكەتتٸك قىزمەتكەرٸ, 18 مەملەكەتتٸك قىزمەتشٸ, 9 قوعامدىق ۇيىمداردىڭ ٶكٸلٸ جەنە 2 جۇمىسسىز ٷمٸتكەر بار. سونىمەن قاتار قازٸرگٸ ۋاقىتتا قىزمەت اتقارىپ وتىرعان 4 سەناتور ٶز كانديداتۋرالارىن ۇسىندى. قازٸرگٸ ۋاقىتتا سەنات دەپۋتاتتىعىنا كانديداتتاردى تٸركەۋ پروتسەسٸ جٷرٸپ جاتىر. ول وسى جىلدىڭ 23 شٸلدەسٸنە دەيٸن جالعاسادى. بٷگٸنگٸ كٷنٸ سايلاۋ كوميسسييالارىمەن 62 كانديدات تٸركەلدٸ», - دەدٸ بەرٸك يماشەۆ وسك وتىرىسى بارىسىندا.
ايتا كەتەيٸك, 2014 جىلى سايلانعان سەنات دەپۋتاتتارىنىڭ ٶكٸلەتتٸك مەرزٸمٸ وسى جىلدىڭ قازان ايىندا اياقتالادى. وسىلايشا, 2020 جىلدىڭ 12 تامىزىندا ەلٸمٸزدٸڭ جوعارى زاڭ شىعارۋشى ورگانى جوعارعى پالاتاسىنا 17 ٶڭٸردەن بٸر-بٸر دەپۋتاتتان سايلانۋى قاجەت.
