Senator Áli Bektaev Úkimet basshysy Asqar Maminge depýtattyq saýal joldap, onda Túrkistan qalasynyń infraqurylymyn damytýǵa qosymsha qomaqty qarajat bólýdi ótindi, dep habarlaidy "Ult aqparat".
Senat depýtaty sońǵy jyldary Túrkistan qalasy qarqyndy damyp kele jatqanyn erekshe atap ótti. Degenmen sheshimin kútken birqatar másele bar.
«Túrkistan qalasynda salynyp jatqan kórkem ǵimarattardyń kópshiligin aýyz sýmen, káriz júiesimen, elektr jelilerimen, jylý júiesimen qamtamasyz etý jaiy sheshilmegen. Osyǵan bailanysty biz Premer-Ministrden 23 mlrd teńge kóleminde qarjyny 3 jyldyq biýdjetten qaraýyn suraimyz», - dedi senator.
Onyń aitýynsha, 2021-2023 jyldarǵa arnalǵan respýblikalyq biýdjetti qaraý barysynda «Turkistan» arnaiy ekonomikalyq aimaǵynyń infraqurylymyna; kópqabatty turǵyn úilerdi sýmen qamtamasyz etý men káriz júielerine; elektr qýatymen qamtamasyz etý úshin qosalqy stansa salýǵa; turǵyn úilerdi jylýmen qamtamasyz etýge; jańadan salynyp jatqan qala aýmaǵyn abattandyrýǵa; qaladaǵy jańa turǵyn úi alabyna injenerlik-infraqurylymdardy júrgizýge; «Áziret Sultan» qoryq-murajaiynyń ainalasyn abattandyrýǵa qarajat bólý qajet.
