سەناتور ەلي بەكتاەۆ ٷكٸمەت باسشىسى اسقار مامينگە دەپۋتاتتىق ساۋال جولداپ, وندا تٷركٸستان قالاسىنىڭ ينفراقۇرىلىمىن دامىتۋعا قوسىمشا قوماقتى قاراجات بٶلۋدٸ ٶتٸندٸ, دەپ حابارلايدى "ۇلت اقپارات".
سەنات دەپۋتاتى سوڭعى جىلدارى تٷركٸستان قالاسى قارقىندى دامىپ كەلە جاتقانىن ەرەكشە اتاپ ٶتتٸ. دەگەنمەن شەشٸمٸن كٷتكەن بٸرقاتار مەسەلە بار.
«تٷركٸستان قالاسىندا سالىنىپ جاتقان كٶركەم عيماراتتاردىڭ كٶپشٸلٸگٸن اۋىز سۋمەن, كەرٸز جٷيەسٸمەن, ەلەكتر جەلٸلەرٸمەن, جىلۋ جٷيەسٸمەن قامتاماسىز ەتۋ جايى شەشٸلمەگەن. وسىعان بايلانىستى بٸز پرەمەر-مينيستردەن 23 ملرد تەڭگە كٶلەمٸندە قارجىنى 3 جىلدىق بيۋدجەتتەن قاراۋىن سۇرايمىز», - دەدٸ سەناتور.
ونىڭ ايتۋىنشا, 2021-2023 جىلدارعا ارنالعان رەسپۋبليكالىق بيۋدجەتتٸ قاراۋ بارىسىندا «Turkistan» ارنايى ەكونوميكالىق ايماعىنىڭ ينفراقۇرىلىمىنا; كٶپقاباتتى تۇرعىن ٷيلەردٸ سۋمەن قامتاماسىز ەتۋ مەن كەرٸز جٷيەلەرٸنە; ەلەكتر قۋاتىمەن قامتاماسىز ەتۋ ٷشٸن قوسالقى ستانسا سالۋعا; تۇرعىن ٷيلەردٸ جىلۋمەن قامتاماسىز ەتۋگە; جاڭادان سالىنىپ جاتقان قالا اۋماعىن اباتتاندىرۋعا; قالاداعى جاڭا تۇرعىن ٷي الابىنا ينجەنەرلٸك-ينفراقۇرىلىمداردى جٷرگٸزۋگە; «ەزٸرەت سۇلتان» قورىق-مۇراجايىنىڭ اينالاسىن اباتتاندىرۋعا قاراجات بٶلۋ قاجەت.
