Senat Jer zańnamasyna usynylǵan ózgerister men tolyqtyrýlardy maquldady, - dep habarlaidy "Ult aqparat" QR AShM baspasóz qyzmetine silteme jasap.
Búgin QR premer-ministriniń orynbasary - aýyl sharýashylyǵy ministri Asqar Myrzahmetov QR Parlament Senatynyń plenarlyq otyrysynda "Qazaqstan Respýblikasy Jer kodeksiniń jekelegen normalarynyń qoldanysyn jáne "Qazaqstan Respýblikasynyń Jer kodeksine ózgerister men tolyqtyrýlar engizý týraly" 2015 jylǵy 2 qarashadaǵy Qazaqstan Respýblikasy Zańynyń qoldanysqa engizilýin toqtata turý týraly" Zań jobasyn tanystyrdy.
"Atalǵan Zań jobasyn Aýyl sharýashylyǵy ministrligi Elbasy Nursultan Nazarbaevtyń 2016 jylǵy 18 tamyzdaǵy Jarlyǵyn oryndaý úshin ázirledi", - dedi vitse-premer.
Zań jobasynyń negizgi maqsaty - aýyl sharýashylyǵy jerlerin sheteldikterge, azamattyǵy joq adamdar, sheteldik zańdy tulǵalar, sondai-aq jarǵylyq kapitalyndaǵy sheteldikterdiń, azamattyǵy joq adamdardyń, sheteldik zańdy tulǵalardyń úlesi 50 paiyzdan asatyn zańdy tulǵalarǵa jalǵa jáne qazaqstandyqtarǵa jeke menshikke berýge bailanysty Jer kodeksiniń jáne "Qazaqstan Respýblikasynyń Jer kodeksine ózgerister men tolyqtyrýlar engizý týraly" 2015 jylǵy 2 qarashadaǵy Qazaqstan Respýblikasy Zańynyń normalaryna jariialanǵan moratorii merzimin 2021 jylǵy 31 jeltoqsanǵa deiin uzartý bolyp tabylady.
Qazirgi tańda aýyl sharýashylyǵy jerleriniń sapaly jaǵdaiy, olardyń paidalanylýy, menshik ieleleri men jer paidalanýshylar týraly málimetter bazasyn qurýǵa baǵyttalǵan reviziia jáne topyraqtyq, geobotanikalyq zertteý, onyń kadastrlyq qunyn anyqtaýdy qamtityn jumystar júrgizý josparlanyp otyr. "Óz kezeginde, bul málimetter aýyl sharýashylyǵy jerlerin tiimdi paidalanýdy josparlaý men baqylaýǵa negiz bolyp tabylady. Bul jumystardy júrgizý qosymsha ýaqytty talap etedi", - dep atap ótti Asqar Myrzahmetov.
Sondai-aq, zań jobasy memleket menshigindegi aýyl sharýashylyǵy maqsatyndaǵy jerlerdi berýge bailanysty máselelerdi zańnamalyq turǵyda retteidi.
Aita keteiik, moratorii normalary aýyl sharýashylyǵy maqsatyna berilgen jerlerdiń barlyǵyna qatysty. Iaǵni, aýyl sharýashylyǵy maqsatyndaǵy jerler bolǵandyqtan, tek qana qazaqstandyqtarǵa jalǵa beriledi, jeke menshikke berilmeidi.
Baiandama sońynda Myrzahmetov Zań jobasyn iske asyrýdyń memlekettik biýdjetten qarjy shyǵyndaryn qajet etpeitinin jáne áleýmettik-ekonomikalyq ortaǵa ońdy áser etinin atap ótti.
.jpeg)