سەنات جەر زاڭناماسىنا ۇسىنىلعان ٶزگەرٸستەر مەن تولىقتىرۋلاردى ماقۇلدادى

سەنات جەر زاڭناماسىنا ۇسىنىلعان ٶزگەرٸستەر مەن تولىقتىرۋلاردى ماقۇلدادى, - دەپ حابارلايدى "ۇلت اقپارات" قر اشم باسپاسٶز قىزمەتٸنە سٸلتەمە جاساپ.

بٷگٸن قر پرەمەر-مينيسترٸنٸڭ ورىنباسارى - اۋىل شارۋاشىلىعى مينيسترٸ اسقار مىرزاحمەتوۆ قر پارلامەنت سەناتىنىڭ پلەنارلىق وتىرىسىندا "قازاقستان رەسپۋبليكاسى جەر كودەكسٸنٸڭ جەكەلەگەن نورمالارىنىڭ قولدانىسىن جەنە "قازاقستان رەسپۋبليكاسىنىڭ جەر كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى" 2015 جىلعى 2 قاراشاداعى قازاقستان رەسپۋبليكاسى زاڭىنىڭ قولدانىسقا ەنگٸزٸلۋٸن توقتاتا تۇرۋ تۋرالى" زاڭ جوباسىن تانىستىردى.

"اتالعان زاڭ جوباسىن اۋىل شارۋاشىلىعى مينيسترلٸگٸ ەلباسى نۇرسۇلتان نازارباەۆتىڭ 2016 جىلعى 18 تامىزداعى جارلىعىن ورىنداۋ ٷشٸن ەزٸرلەدٸ", - دەدٸ ۆيتسە-پرەمەر.

زاڭ جوباسىنىڭ نەگٸزگٸ ماقساتى - اۋىل شارۋاشىلىعى جەرلەرٸن شەتەلدٸكتەرگە, ازاماتتىعى جوق ادامدار, شەتەلدٸك زاڭدى تۇلعالار, سونداي-اق جارعىلىق كاپيتالىنداعى شەتەلدٸكتەردٸڭ, ازاماتتىعى جوق ادامداردىڭ, شەتەلدٸك زاڭدى تۇلعالاردىڭ ٷلەسٸ 50 پايىزدان اساتىن زاڭدى تۇلعالارعا جالعا جەنە قازاقستاندىقتارعا جەكە مەنشٸككە بەرۋگە بايلانىستى جەر كودەكسٸنٸڭ جەنە "قازاقستان رەسپۋبليكاسىنىڭ جەر كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى" 2015 جىلعى 2 قاراشاداعى قازاقستان رەسپۋبليكاسى زاڭىنىڭ نورمالارىنا جارييالانعان موراتوريي مەرزٸمٸن 2021 جىلعى 31 جەلتوقسانعا دەيٸن ۇزارتۋ بولىپ تابىلادى.

قازٸرگٸ تاڭدا اۋىل شارۋاشىلىعى جەرلەرٸنٸڭ ساپالى جاعدايى, ولاردىڭ پايدالانىلۋى, مەنشٸك يەلەلەرٸ مەن جەر پايدالانۋشىلار تۋرالى مەلٸمەتتەر بازاسىن قۇرۋعا باعىتتالعان رەۆيزييا جەنە توپىراقتىق, گەوبوتانيكالىق زەرتتەۋ, ونىڭ كاداسترلىق قۇنىن انىقتاۋدى قامتيتىن جۇمىستار جٷرگٸزۋ جوسپارلانىپ وتىر. "ٶز كەزەگٸندە, بۇل مەلٸمەتتەر اۋىل شارۋاشىلىعى جەرلەرٸن تيٸمدٸ پايدالانۋدى جوسپارلاۋ مەن باقىلاۋعا نەگٸز بولىپ تابىلادى. بۇل جۇمىستاردى جٷرگٸزۋ قوسىمشا ۋاقىتتى تالاپ ەتەدٸ", - دەپ اتاپ ٶتتٸ اسقار مىرزاحمەتوۆ.

سونداي-اق, زاڭ جوباسى مەملەكەت مەنشٸگٸندەگٸ اۋىل شارۋاشىلىعى ماقساتىنداعى جەرلەردٸ بەرۋگە بايلانىستى مەسەلەلەردٸ زاڭنامالىق تۇرعىدا رەتتەيدٸ.

ايتا كەتەيٸك, موراتوريي نورمالارى اۋىل شارۋاشىلىعى ماقساتىنا بەرٸلگەن جەرلەردٸڭ بارلىعىنا قاتىستى. ياعني, اۋىل شارۋاشىلىعى ماقساتىنداعى جەرلەر بولعاندىقتان, تەك قانا قازاقستاندىقتارعا جالعا بەرٸلەدٸ, جەكە مەنشٸككە بەرٸلمەيدٸ.

بايانداما سوڭىندا مىرزاحمەتوۆ زاڭ جوباسىن ٸسكە اسىرۋدىڭ مەملەكەتتٸك بيۋدجەتتەن قارجى شىعىندارىن قاجەت ەتپەيتٸنٸن جەنە ەلەۋمەتتٸك-ەكونوميكالىق ورتاعا وڭدى ەسەر ەتٸنٸن اتاپ ٶتتٸ.