2020 jyly 12 tamyzǵa taǵaiyndalǵan QR Parlamenti Senaty depýtattarynyń sailaýynda halyqaralyq baiqaýshylar bolady, dep habarlaidy "Ult aqparat".
Qazaqstannyń halyqaralyq mindettemeleri, basqa elderdiń sailaý tájiribesi, sondai-aq elde turaqty akkredittelgen sheteldik buqaralyq aqparat quraldary men diplomatiialyq korpýstyń bolýy siiaqty faktorlardy eskere otyryp, Qazaqstan Respýblikasy Ortalyq sailaý komissiiasy halyqaralyq baqylaý institýtyn ashý týraly qaýly qabyldady.
«Ózderińiz bilesizder, sailaý naýqanyn ótkizý tájiribesinde sheteldik baiqaýdy ashý týraly sheshim Ortalyq sailaý komissiiasynyń otyrysynda qabyldanady. Elimizde qatań karantindik sharalar engizilgendikten, naýqan kezinde bul másele Syrtqy ister ministrligimen qosymsha pysyqtaldy. Qazaqstannyń halyqaralyq mindettemeleri, basqa elderdiń sailaý tájiribesi, sondai-aq elde turaqty akkredittelgen sheteldik buqaralyq aqparat quraldary men diplomatiialyq korpýstyń bolýy siiaqty faktorlardy eskere otyryp, tiisti qaýlynyń jobasy Ortalyq sailaý komissiianyń qaraýyna engizilip otyr», - dedi QR OSK múshesi Anastasiia Shegortsova otyrys barasynda.
Osy oraida ol qaýlynyń qaǵidalaryna toqtaldy. Sailaý týraly Konstitýtsiialyq Zańǵa sáikes, tiisti baiqaý rásimi kózdelgen.
Shet memlekettiń, halyqaralyq uiymnyń baiqaýshysyna, sondai-aq sheteldik BAQ ókiline bir aýdarmashy óziniń jeke basyn kýálandyratyn qujatyn kórsetken kezde ilesip júre alady.
Sheteldik BAQ ókili QR Syrtqy ister ministrligi bergen akkreditteý týraly kýáligi bolǵan kezde sailaýda baiqaýdy júzege asyra alady.
Belgili bolǵandai, shet memleketterdiń, halyqaralyq uiymdardyń baiqaýshylaryn akkreditteýdi júrgizý 2020 jylǵy 6 tamyzda saǵat 18:00-de aiaqtalady.
OSK otyrysy barysynda halyqaralyq baqylaý institýtyn ashý týraly qaýly qabyldady.
