2020 جىلى 12 تامىزعا تاعايىندالعان قر پارلامەنتٸ سەناتى دەپۋتاتتارىنىڭ سايلاۋىندا حالىقارالىق بايقاۋشىلار بولادى, دەپ حابارلايدى "ۇلت اقپارات".
قازاقستاننىڭ حالىقارالىق مٸندەتتەمەلەرٸ, باسقا ەلدەردٸڭ سايلاۋ تەجٸريبەسٸ, سونداي-اق ەلدە تۇراقتى اككرەديتتەلگەن شەتەلدٸك بۇقارالىق اقپارات قۇرالدارى مەن ديپلوماتييالىق كورپۋستىڭ بولۋى سيياقتى فاكتورلاردى ەسكەرە وتىرىپ, قازاقستان رەسپۋبليكاسى ورتالىق سايلاۋ كوميسسيياسى حالىقارالىق باقىلاۋ ينستيتۋتىن اشۋ تۋرالى قاۋلى قابىلدادى.
«ٶزدەرٸڭٸز بٸلەسٸزدەر, سايلاۋ ناۋقانىن ٶتكٸزۋ تەجٸريبەسٸندە شەتەلدٸك بايقاۋدى اشۋ تۋرالى شەشٸم ورتالىق سايلاۋ كوميسسيياسىنىڭ وتىرىسىندا قابىلدانادى. ەلٸمٸزدە قاتاڭ كارانتيندٸك شارالار ەنگٸزٸلگەندٸكتەن, ناۋقان كەزٸندە بۇل مەسەلە سىرتقى ٸستەر مينيسترلٸگٸمەن قوسىمشا پىسىقتالدى. قازاقستاننىڭ حالىقارالىق مٸندەتتەمەلەرٸ, باسقا ەلدەردٸڭ سايلاۋ تەجٸريبەسٸ, سونداي-اق ەلدە تۇراقتى اككرەديتتەلگەن شەتەلدٸك بۇقارالىق اقپارات قۇرالدارى مەن ديپلوماتييالىق كورپۋستىڭ بولۋى سيياقتى فاكتورلاردى ەسكەرە وتىرىپ, تيٸستٸ قاۋلىنىڭ جوباسى ورتالىق سايلاۋ كوميسسييانىڭ قاراۋىنا ەنگٸزٸلٸپ وتىر», - دەدٸ قر وسك مٷشەسٸ اناستاسييا ششەگورتسوۆا وتىرىس باراسىندا.
وسى ورايدا ول قاۋلىنىڭ قاعيدالارىنا توقتالدى. سايلاۋ تۋرالى كونستيتۋتسييالىق زاڭعا سەيكەس, تيٸستٸ بايقاۋ رەسٸمٸ كٶزدەلگەن.
شەت مەملەكەتتٸڭ, حالىقارالىق ۇيىمنىڭ بايقاۋشىسىنا, سونداي-اق شەتەلدٸك باق ٶكٸلٸنە بٸر اۋدارماشى ٶزٸنٸڭ جەكە باسىن كۋەلاندىراتىن قۇجاتىن كٶرسەتكەن كەزدە ٸلەسٸپ جٷرە الادى.
شەتەلدٸك باق ٶكٸلٸ قر سىرتقى ٸستەر مينيسترلٸگٸ بەرگەن اككرەديتتەۋ تۋرالى كۋەلٸگٸ بولعان كەزدە سايلاۋدا بايقاۋدى جٷزەگە اسىرا الادى.
بەلگٸلٸ بولعانداي, شەت مەملەكەتتەردٸڭ, حالىقارالىق ۇيىمداردىڭ بايقاۋشىلارىن اككرەديتتەۋدٸ جٷرگٸزۋ 2020 جىلعى 6 تامىزدا ساعات 18:00-دە اياقتالادى.
وسك وتىرىسى بارىسىندا حالىقارالىق باقىلاۋ ينستيتۋتىن اشۋ تۋرالى قاۋلى قابىلدادى.
