Semeide kóptegen aǵash músinder bar. Solardyń ishinde Jeńis saiabaǵynda turǵan Mánshúk Mámetovanyń aǵashtan jasalǵan músini qoǵam narazylyǵyn týdyrdy, dep habarlaidy "Ult aqparat".
Áleýmettik jelide buǵan qatysty «Bizde talantty sýretshiler kóp emes pe? Olar qaida júr? Sýretshiler keńesi, eskizder qaida? Bul jobalardy kim bekitken?», «Muny jańa jylda balabaqshalardyń birine jalmaýyz kempir keiipkeri retinde qoiýǵa bolady. Bul saiabaqta turýy tiis emes», «Bul kimniń qarajatyna jasalǵan? Kásipker aqsha bólgen be?» degen siiaqty narazylyq sipattaǵy pikirler jazyldy.
Osy jaǵdaiǵa bailanysty Semei qalalyq ákimdigine habarlasyp, mán-jaidy suradyq.
«Aǵash músin saiabaqqa senbi kúni, iaǵni 2 qarasha kúni qoiyldy. Ol qala turǵyndarynyń da, ákimdiktiń de kóńilinen shyqqan joq, sol sebepti ony ornynan alyp tastadyq», - deidi Semei qalasynyń Ishki saiasat bóliminiń basshysy Nurjan Esenjolov.
Onyń aitýynsha, sol saiabaqtaǵy kesilýi kerek aǵashty túbimen alyp tastamai, músin jasaý týraly ideia paida bolǵan.
«Bizde mundai tájiribe bolǵan. Qaladaǵy Abaidyń eskertkishiniń janyna aǵashtan oiyp dombyra, qobyzdyń músinin jasaǵan bolatynbyz. Osy joly Áliia Moldaǵulova nemese Mánshúk Mámetovanyń músinin jasap kóreiik dedik, biraq ol sátsiz shyqty. Kelesi jyly Jeńistiń 75 jyldyǵyna orai Jeńis saiabaǵy tolyq rekonstrýktsiialanady. Ol jerde bul músinniń turýyna qisyn joq, sol sebepti alyp tastadyq», - deidi ol.
