سەمەيدە كٶپتەگەن اعاش مٷسٸندەر بار. سولاردىڭ ٸشٸندە جەڭٸس ساياباعىندا تۇرعان مەنشٷك مەمەتوۆانىڭ اعاشتان جاسالعان مٷسٸنٸ قوعام نارازىلىعىن تۋدىردى, دەپ حابارلايدى "ۇلت اقپارات".
ەلەۋمەتتٸك جەلٸدە بۇعان قاتىستى «بٸزدە تالانتتى سۋرەتشٸلەر كٶپ ەمەس پە? ولار قايدا جٷر? سۋرەتشٸلەر كەڭەسٸ, ەسكيزدەر قايدا? بۇل جوبالاردى كٸم بەكٸتكەن?», «مۇنى جاڭا جىلدا بالاباقشالاردىڭ بٸرٸنە جالماۋىز كەمپٸر كەيٸپكەرٸ رەتٸندە قويۋعا بولادى. بۇل ساياباقتا تۇرۋى تيٸس ەمەس», «بۇل كٸمنٸڭ قاراجاتىنا جاسالعان? كەسٸپكەر اقشا بٶلگەن بە?» دەگەن سيياقتى نارازىلىق سيپاتتاعى پٸكٸرلەر جازىلدى.
وسى جاعدايعا بايلانىستى سەمەي قالالىق ەكٸمدٸگٸنە حابارلاسىپ, مەن-جايدى سۇرادىق.
«اعاش مٷسٸن ساياباققا سەنبٸ كٷنٸ, ياعني 2 قاراشا كٷنٸ قويىلدى. ول قالا تۇرعىندارىنىڭ دا, ەكٸمدٸكتٸڭ دە كٶڭٸلٸنەن شىققان جوق, سول سەبەپتٸ ونى ورنىنان الىپ تاستادىق», - دەيدٸ سەمەي قالاسىنىڭ ٸشكٸ ساياسات بٶلٸمٸنٸڭ باسشىسى نۇرجان ەسەنجولوۆ.
ونىڭ ايتۋىنشا, سول ساياباقتاعى كەسٸلۋٸ كەرەك اعاشتى تٷبٸمەن الىپ تاستاماي, مٷسٸن جاساۋ تۋرالى يدەيا پايدا بولعان.
«بٸزدە مۇنداي تەجٸريبە بولعان. قالاداعى ابايدىڭ ەسكەرتكٸشٸنٸڭ جانىنا اعاشتان ويىپ دومبىرا, قوبىزدىڭ مٷسٸنٸن جاساعان بولاتىنبىز. وسى جولى ەلييا مولداعۇلوۆا نەمەسە مەنشٷك مەمەتوۆانىڭ مٷسٸنٸن جاساپ كٶرەيٸك دەدٸك, بٸراق ول سەتسٸز شىقتى. كەلەسٸ جىلى جەڭٸستٸڭ 75 جىلدىعىنا وراي جەڭٸس ساياباعى تولىق رەكونسترۋكتسييالانادى. ول جەردە بۇل مٷسٸننٸڭ تۇرۋىنا قيسىن جوق, سول سەبەپتٸ الىپ تاستادىق», - دەيدٸ ول.
