Semei qalasynyń ákimdigi senbilik daýyna qatysty túsinikteme berdi, dep habarlaidy Sputnik Qazaqstan.
Budan buryn ata-analardyń bireýi muǵalimderdi senbilikke shyǵarǵannan keiin balalardyń sabaǵy ótpegenin málimdegen edi.
Semei ákiminiń orynbasary Dmitrii Garikovtyń aitýynsha, daýly senbilik 16 qazanda uiymdastyrylǵan. Oǵan qaladaǵy barlyq mektep qatysqan.
"Resmi hatta oqý protsesin toqtatyp, mektepterde sabaqty ótkizbeý týraly nusqaý joq. Iá, bir mektepte direktor eńbek demalysynda bolǵan. Sodan oqý jónindegi meńgerýshisi sheshim qabyldapty... Biraq sabaq toqtatylǵan joq, sabaqtar onlain rejimde ótti", - dedi Garikov jýrnalisterge bergen suhbatynda.
Qala basshysynyń orynbasary bilim ministri Ashat Aimaǵambetovtyń jazbasyna qatysty da óz oiyn aitty. Buǵan deiin ministr pedagogterdiń ózine tán emes fýnktsiialarǵa tartqany úshin qala ákiminiń orynbasaryn, sondai-aq bilim bóliminiń basshysyn jaýapqa tartý qajettigin jazǵan.
"Keibir memlekettik qyzmetshilerdiń pikirine keletin bolsaq, bir nárseni túsindirip ketken jón dep sanaimyn. Muǵalimderdi kúzgi jalpyqalalyq senbilikke bir ret shyǵarsaq, ákimdik qyzmetkerleri apta saiyn senbilikke shyǵyp turady. Onda turǵan eshteńe joq dep oilaimyn. Bul – bizdiń qalamyz, menińshe, qalamyzdyń árbir patrioty senbilikke óz erkimen shyǵyp, ortaq iske atsalysady", - dep atap kórsetti Garikov.
Onyń sózine qaraǵanda, senbilikke shyǵýǵa eshkimdi májbúrlemeidi. Árbir mektepte basshy bar. Ol senbilikti qalai ótkizetinin sheshedi.
"Mysaly, qalamyzda abattandyrý, kógaldandyrý jáne senbilikti ótkizý sharalaryna ákimdik jaýap beredi. Osy baǵytqa men jaýaptymyn. Sodan biýdjettik jáne kommertsiialyq qurylymdarǵa tiisti tapsyrma berildi. Ary qarai árbir basshy ózi tiisti jumysty uiymdastyryp otyrady", - deidi qala ákiminiń orynbasary.
Garikov senbilikke shyqqan adamdar tek jerge túsken japyraqtardy ǵana jinaýǵa mindetti bolǵanyn da aitty. Ony kommýnaldyq qyzmetter de istei alady. Biraq senbilik bolmasa, kógalda jatqan kúzgi japyraqtardy jinaýǵa kóp ýaqyt ketedi.
Qalalyq bilim berý bólimniń basshysy Natali Fesenko da óz oiyn jetkizdi.
"Senbi kúni sabaqtar toqtaǵan joq. Osyny erekshe atap ótkim keledi. Iá, jalpyqalalyq senbilik jariialandy. Árbir basshy ózine qarasty jerdi qalai jinaitynyn ózi sheshedi. Buǵan deiin biz tiisti usynystardy tarattyq. Tehnikalyq qyzmetshilerdi tarta ma, óz erkimen shyǵatyndar bola ma, ony basshylar ózderi uiymdastyrady. Biraq bireýdi májbúrlep shyǵarý bolǵan joq", - dedi Fesenko.
Bólim basshysy "Pedagog mártebesi týraly" zań boiynsha muǵalimderdi ózine tán emes fýnktsiialarǵa tartýǵa bolmaitynyn biledi. Al mektep muǵalimderi senbilikke óz erkimen shyqsa, oǵan eshkim qarsylyq jasai almaidy.
