سەمەي قالاسىنىڭ ەكٸمدٸگٸ سەنبٸلٸك داۋىنا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
بۇدان بۇرىن اتا-انالاردىڭ بٸرەۋٸ مۇعالٸمدەردٸ سەنبٸلٸككە شىعارعاننان كەيٸن بالالاردىڭ ساباعى ٶتپەگەنٸن مەلٸمدەگەن ەدٸ.
سەمەي ەكٸمٸنٸڭ ورىنباسارى دميتريي گاريكوۆتىڭ ايتۋىنشا, داۋلى سەنبٸلٸك 16 قازاندا ۇيىمداستىرىلعان. وعان قالاداعى بارلىق مەكتەپ قاتىسقان.
"رەسمي حاتتا وقۋ پروتسەسٸن توقتاتىپ, مەكتەپتەردە ساباقتى ٶتكٸزبەۋ تۋرالى نۇسقاۋ جوق. يە, بٸر مەكتەپتە ديرەكتور ەڭبەك دەمالىسىندا بولعان. سودان وقۋ جٶنٸندەگٸ مەڭگەرۋشٸسٸ شەشٸم قابىلداپتى... بٸراق ساباق توقتاتىلعان جوق, ساباقتار ونلاين رەجيمدە ٶتتٸ", - دەدٸ گاريكوۆ جۋرناليستەرگە بەرگەن سۇحباتىندا.
قالا باسشىسىنىڭ ورىنباسارى بٸلٸم مينيسترٸ اسحات ايماعامبەتوۆتىڭ جازباسىنا قاتىستى دا ٶز ويىن ايتتى. بۇعان دەيٸن مينيستر پەداگوگتەردٸڭ ٶزٸنە تەن ەمەس فۋنكتسييالارعا تارتقانى ٷشٸن قالا ەكٸمٸنٸڭ ورىنباسارىن, سونداي-اق بٸلٸم بٶلٸمٸنٸڭ باسشىسىن جاۋاپقا تارتۋ قاجەتتٸگٸن جازعان.
"كەيبٸر مەملەكەتتٸك قىزمەتشٸلەردٸڭ پٸكٸرٸنە كەلەتٸن بولساق, بٸر نەرسەنٸ تٷسٸندٸرٸپ كەتكەن جٶن دەپ سانايمىن. مۇعالٸمدەردٸ كٷزگٸ جالپىقالالىق سەنبٸلٸككە بٸر رەت شىعارساق, ەكٸمدٸك قىزمەتكەرلەرٸ اپتا سايىن سەنبٸلٸككە شىعىپ تۇرادى. وندا تۇرعان ەشتەڭە جوق دەپ ويلايمىن. بۇل – بٸزدٸڭ قالامىز, مەنٸڭشە, قالامىزدىڭ ەربٸر پاتريوتى سەنبٸلٸككە ٶز ەركٸمەن شىعىپ, ورتاق ٸسكە اتسالىسادى", - دەپ اتاپ كٶرسەتتٸ گاريكوۆ.
ونىڭ سٶزٸنە قاراعاندا, سەنبٸلٸككە شىعۋعا ەشكٸمدٸ مەجبٷرلەمەيدٸ. ەربٸر مەكتەپتە باسشى بار. ول سەنبٸلٸكتٸ قالاي ٶتكٸزەتٸنٸن شەشەدٸ.
"مىسالى, قالامىزدا اباتتاندىرۋ, كٶگالداندىرۋ جەنە سەنبٸلٸكتٸ ٶتكٸزۋ شارالارىنا ەكٸمدٸك جاۋاپ بەرەدٸ. وسى باعىتقا مەن جاۋاپتىمىن. سودان بيۋدجەتتٸك جەنە كوممەرتسييالىق قۇرىلىمدارعا تيٸستٸ تاپسىرما بەرٸلدٸ. ارى قاراي ەربٸر باسشى ٶزٸ تيٸستٸ جۇمىستى ۇيىمداستىرىپ وتىرادى", - دەيدٸ قالا ەكٸمٸنٸڭ ورىنباسارى.
گاريكوۆ سەنبٸلٸككە شىققان ادامدار تەك جەرگە تٷسكەن جاپىراقتاردى عانا جيناۋعا مٸندەتتٸ بولعانىن دا ايتتى. ونى كوممۋنالدىق قىزمەتتەر دە ٸستەي الادى. بٸراق سەنبٸلٸك بولماسا, كٶگالدا جاتقان كٷزگٸ جاپىراقتاردى جيناۋعا كٶپ ۋاقىت كەتەدٸ.
قالالىق بٸلٸم بەرۋ بٶلٸمنٸڭ باسشىسى ناتالي فەسەنكو دا ٶز ويىن جەتكٸزدٸ.
"سەنبٸ كٷنٸ ساباقتار توقتاعان جوق. وسىنى ەرەكشە اتاپ ٶتكٸم كەلەدٸ. يە, جالپىقالالىق سەنبٸلٸك جارييالاندى. ەربٸر باسشى ٶزٸنە قاراستى جەردٸ قالاي جينايتىنىن ٶزٸ شەشەدٸ. بۇعان دەيٸن بٸز تيٸستٸ ۇسىنىستاردى تاراتتىق. تەحنيكالىق قىزمەتشٸلەردٸ تارتا ما, ٶز ەركٸمەن شىعاتىندار بولا ما, ونى باسشىلار ٶزدەرٸ ۇيىمداستىرادى. بٸراق بٸرەۋدٸ مەجبٷرلەپ شىعارۋ بولعان جوق", - دەدٸ فەسەنكو.
بٶلٸم باسشىسى "پەداگوگ مەرتەبەسٸ تۋرالى" زاڭ بويىنشا مۇعالٸمدەردٸ ٶزٸنە تەن ەمەس فۋنكتسييالارعا تارتۋعا بولمايتىنىن بٸلەدٸ. ال مەكتەپ مۇعالٸمدەرٸ سەنبٸلٸككە ٶز ەركٸمەن شىقسا, وعان ەشكٸم قارسىلىق جاساي المايدى.
