الماتىداعى رەسپۋبليكالىق فيزيكا-ماتەماتيكا مەكتەبٸنٸڭ (رفمم) ينتەرناتىندا ٸشەك ينفەكتسيياسىمەن اۋرۋحاناعا تٷسكەن وقۋشىلار سانى 51-گە جەتتٸ. بۇل تۋرالى بالالار ومبۋدسمەنٸ دينارا زاكيەۆا حابارلادى.
ول اۋرۋحاناعا بارىپ, بالالاردىڭ جاعدايىمەن تانىسقان.
«بارلىعى 43 ۇل جەنە 5 قىز. جاڭا عانا تاعى ٷش بالا جەتكٸزٸلدٸ. ولار رفمم ينتەرناتىندا تۇرادى, ەرتٷرلٸ وبلىستان كەلگەن. جاعدايلارى تۇراقتى», – دەدٸ بالالار ومبۋدسمەنٸ.
ەسكە سالايىق, وقيعادان كەيٸن ينتەرنات پەن ونىڭ اس بلوگىنىڭ جۇمىسى ۋاقىتشا توقتاتىلدى. سانيتارييالىق-ەپيدەميولوگييالىق باقىلاۋ كوميتەتٸنٸڭ تەكسەرۋٸ كەزٸندە ازىق-تٷلٸكتٸ ساقتاۋ تالاپتارىنىڭ ٶرەسكەل بۇزىلعانى انىقتالعان.
سونىمەن قاتار تاماق جەتكٸزۋشٸ «Master Food» جشس-نٸڭ اس بلوگىنان قاجەتتٸ ٸلەسپە قۇجاتتارى جوق سٷت ٶنٸمدەرٸ تەركٸلەندٸ.
الماتى پوليتسيياسى قىلمىستىق ٸس قوزعاپ, تەرگەۋ جٷرگٸزٸپ جاتىر.
ايتا كەتەيٸك, ٸشەك ينفەكتسيياسىمەن اۋرۋحاناعا تٷسكەن 51 بالا – زارداپ شەككەن وقۋشىلاردىڭ جالپى سانى ەمەس. قالعان بالالار تۋىستارىنىڭ ٷيٸندە دەرٸگەرلەردٸڭ باقىلاۋىندا. 16 قازانعا دەيٸن ساباق قاشىقتان ٶتكٸزٸلەدٸ.
