Almatydaǵy Respýblikalyq fizika-matematika mektebiniń (RFMM) internatynda ishek infektsiiasymen aýrýhanaǵa túsken oqýshylar sany 51-ge jetti. Bul týraly balalar ombýdsmeni Dinara Zakieva habarlady.
Ol aýrýhanaǵa baryp, balalardyń jaǵdaiymen tanysqan.
«Barlyǵy 43 ul jáne 5 qyz. Jańa ǵana taǵy úsh bala jetkizildi. Olar RFMM internatynda turady, ártúrli oblystan kelgen. Jaǵdailary turaqty», – dedi balalar ombýdsmeni.
Eske salaiyq, oqiǵadan keiin internat pen onyń as blogynyń jumysy ýaqytsha toqtatyldy. Sanitariialyq-epidemiologiialyq baqylaý komitetiniń tekserýi kezinde azyq-túlikti saqtaý talaptarynyń óreskel buzylǵany anyqtalǵan.
Sonymen qatar tamaq jetkizýshi «Master Food» JShS-niń as blogynan qajetti ilespe qujattary joq sút ónimderi tárkilendi.
Almaty politsiiasy qylmystyq is qozǵap, tergeý júrgizip jatyr.
Aita keteiik, ishek infektsiiasymen aýrýhanaǵa túsken 51 bala – zardap shekken oqýshylardyń jalpy sany emes. Qalǵan balalar týystarynyń úiinde dárigerlerdiń baqylaýynda. 16 qazanǵa deiin sabaq qashyqtan ótkiziledi.
