Almatyda 11 jastaǵy balany uryp-soǵyp, qorlaǵan jasóspirimderdiń ata-analary ákimshilik jaýapkershilikke tartyldy, dep habarlaidy ult.kz.
Jábirlenýshiniń anasynyń aitýynsha, 13–14 jastaǵy jasóspirimder bir aidan astam ýaqyt boiy aýladaǵy balalardy qorqytyp, olarǵa kúsh kórsetken. Olar onyń ulyn ishinen jáne búireginen uryp, balaǵattaǵan. Sondai-aq Sairan kólinen aýlap ákelgen shiki balyqty balanyń aýzy men qulaǵyna tyqqan.
Almaty qalalyq Politsiia departamentiniń málimetinshe, oqiǵaǵa qatysqan jasóspirimder anyqtalyp, olarmen profilaktikalyq áńgime júrgizilgen.
Materialdar Almaly aýdany ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komissiiada qaraldy. Nátijesinde jasóspirimderdiń zańdy ókilderi ákimshilik jaýapkershilikke tartyldy.
