Foto: qafqaz.media
Túrkiianyń Ystambul qalasynda Tehnofest aeroǵarysh jáne tehnologiialyq festivali ótýde. Biyl aitýly shara Túrkiia Respýblikasynyń qurylǵanyna 100 jyldyǵyna arnalǵan. Tehnofesttiń negizgi maqsaty óskeleń urpaqtyń tehnologiiaǵa degen qyzyǵýshylyǵyn arttyrý ári Túrkiiany tehnologiiany óndiretin jáne damytatyn el retinde álemge tanytý. Sharaǵa qatysýshy ári ony uiymdastyrýshylardyń biri - Túrik áskeri áýe tehnikalaryn óndirýshi Seljúk Bairaktar Tenhofesttiń kókjiegi jyldan jylǵa keńeiip kelejatqanyn aitady.
Seljúk Bairaktar, Baykar Makina kompaniiasynyń tehnikalyq direktory .
«Tehnofest Táýelsiz Túrik eliniń jobasy. Festivaldiń bolashaǵy bar. Biyl biz altynshy ret uiymdastyryp jatyrmyz. Ótken jyly Ázirbaijanda ótkizgen bolatynbyz. Al, keleshekte baýyrlas elderde uiymdastyratyn bolamyz» «Qyzyl alma» dep atalatyn áskeri áýe apparatymyzdan keiin ushatyn kólik jáne ǵarysh apparattaryna den qoiýýymyz múmkin. Bul qazirgi zaman talaby.»
Biylǵy festivaldegi kórmege azamattyq jáne áskeri áýetehnikanyń túr-túri qoiylǵan. Munda ushaqtyń, tikushaqtyń jáne ushqyshsyz basqarylatyn tehnikalardyń ondaǵan birligi kópshilikke tanystyryldy. Ásirese ańyzǵa ainalǵan «Bairaktar» ushqyshsyz áskeri áýe apparatyna kóptiń qyzyǵýshylyǵy joǵary. Al ony qurastyrýshy Seljúk Bairaktar bolashaqta Qazaq elinde de mundai festivaldiń ótýi múmkin dedi.
Seljúk Bairaktar: Baykar Makina kompaniiasynyń tehnikalyq direktory.
«Bizdiń festival mamyrdyń basyna deiin jalǵasady. Baýyrlas Qazaq elin osy jerden kórgim keledi. Biz túbi bir eldermiz. Al, keleshekte eki eldiń jarqyn bolashaǵy úshin Tehnofesti birigip Sizdiń elde de uiymdastyrýǵa bolady».
Iri aviatsiialyq shoýǵa ásirese stýdenttermen mektep oqýshylarynyń qyzyǵýshylyǵy zor. Sondyqtan olar osy kúnderdi jyl boiy kútemiz deidi.
Ǵylym men tehnologiialyq óndiriske arnalǵan mereke 28 sáýir men 1 mamyr aralyǵynda Ystambuldyń Atatúrik áýejaiynda, al Ankarada 30 tamyz ben 3 qyrkúiek aralyǵynda ótpek.
Ǵani Ótepbaiuly, Ystambul
