فوتو: qafqaz.media
تٷركييانىڭ ىستامبۇل قالاسىندا تەحنوفەست اەروعارىش جەنە تەحنولوگييالىق فەستيۆالٸ ٶتۋدە. بيىل ايتۋلى شارا تٷركييا رەسپۋبليكاسىنىڭ قۇرىلعانىنا 100 جىلدىعىنا ارنالعان. تەحنوفەستتٸڭ نەگٸزگٸ ماقساتى ٶسكەلەڭ ۇرپاقتىڭ تەحنولوگيياعا دەگەن قىزىعۋشىلىعىن ارتتىرۋ ەرٸ تٷركييانى تەحنولوگييانى ٶندٸرەتٸن جەنە دامىتاتىن ەل رەتٸندە ەلەمگە تانىتۋ. شاراعا قاتىسۋشى ەرٸ ونى ۇيىمداستىرۋشىلاردىڭ بٸرٸ - تٷرٸك ەسكەري ەۋە تەحنيكالارىن ٶندٸرۋشٸ سەلجٷك بايراكتار تەنحوفەستتٸڭ كٶكجيەگٸ جىلدان جىلعا كەڭەيٸپ كەلەجاتقانىن ايتادى.
سەلجٷك بايراكتار, Baykar Makina كومپانيياسىنىڭ تەحنيكالىق ديرەكتورى .
«تەحنوفەست تەۋەلسٸز تٷرٸك ەلٸنٸڭ جوباسى. فەستيۆالدٸڭ بولاشاعى بار. بيىل بٸز التىنشى رەت ۇيىمداستىرىپ جاتىرمىز. ٶتكەن جىلى ەزٸربايجاندا ٶتكٸزگەن بولاتىنبىز. ال, كەلەشەكتە باۋىرلاس ەلدەردە ۇيىمداستىراتىن بولامىز» «قىزىل الما» دەپ اتالاتىن ەسكەري ەۋە اپپاراتىمىزدان كەيٸن ۇشاتىن كٶلٸك جەنە عارىش اپپاراتتارىنا دەن قويۋۋىمىز مٷمكٸن. بۇل قازٸرگٸ زامان تالابى.»
بيىلعى فەستيۆالدەگٸ كٶرمەگە ازاماتتىق جەنە ەسكەري ەۋەتەحنيكانىڭ تٷر-تٷرٸ قويىلعان. مۇندا ۇشاقتىڭ, تٸكۇشاقتىڭ جەنە ۇشقىشسىز باسقارىلاتىن تەحنيكالاردىڭ ونداعان بٸرلٸگٸ كٶپشٸلٸككە تانىستىرىلدى. ەسٸرەسە اڭىزعا اينالعان «بايراكتار» ۇشقىشسىز ەسكەري ەۋە اپپاراتىنا كٶپتٸڭ قىزىعۋشىلىعى جوعارى. ال ونى قۇراستىرۋشى سەلجٷك بايراكتار بولاشاقتا قازاق ەلٸندە دە مۇنداي فەستيۆالدٸڭ ٶتۋٸ مٷمكٸن دەدٸ.
سەلجٷك بايراكتار: Baykar Makina كومپانيياسىنىڭ تەحنيكالىق ديرەكتورى.
«بٸزدٸڭ فەستيۆال مامىردىڭ باسىنا دەيٸن جالعاسادى. باۋىرلاس قازاق ەلٸن وسى جەردەن كٶرگٸم كەلەدٸ. بٸز تٷبٸ بٸر ەلدەرمٸز. ال, كەلەشەكتە ەكٸ ەلدٸڭ جارقىن بولاشاعى ٷشٸن تەحنوفەستٸ بٸرٸگٸپ سٸزدٸڭ ەلدە دە ۇيىمداستىرۋعا بولادى».
ٸرٸ اۆياتسييالىق شوۋعا ەسٸرەسە ستۋدەنتتەرمەن مەكتەپ وقۋشىلارىنىڭ قىزىعۋشىلىعى زور. سوندىقتان ولار وسى كٷندەردٸ جىل بويى كٷتەمٸز دەيدٸ.
عىلىم مەن تەحنولوگييالىق ٶندٸرٸسكە ارنالعان مەرەكە 28 سەۋٸر مەن 1 مامىر ارالىعىندا ىستامبۇلدىڭ اتاتٷرٸك ەۋەجايىندا, ال انكارادا 30 تامىز بەن 3 قىركٷيەك ارالىعىندا ٶتپەك.
عاني ٶتەپبايۇلى, ىستامبۇل
