Soltústik Qazaqstan oblysynda jer qoinaýyn zańsyz paidalanǵan kásipker ákimshilik jaýapkershilikke tartyldy. Kásipker Petropavl mańynan arnaiy tehnikamen 50 tonna saz óndirgen. Prokýrorlyq qadaǵalaý nátijesinde memleket paidasyna 18 mln teńge óndirildi, dep habarlaidy ult.kz.
Soltústik Qazaqstan oblysynyń mamandandyrylǵan tabiǵatty qorǵaý prokýratýrasy jer qoinaýyn óz betinshe paidalaný jáne jer qoinaýyn paidalanýshylardyń kelisimsharttyq mindettemelerdi oryndamaý faktilerin anyqtady.
Máselen, biyl 7 tamyzda Petropavl qalasynyń mańynda kásipkerlik sýbektisi Qazaqstan Respýblikasynyń Jer qoinaýy jáne jer qoinaýyn paidalaný týraly kodeks talaptaryn buza otyryp, arnaiy tehnika kómegimen keń taralǵan paidaly qazbalardyń biri – sazdy zańsyz óndirgen. Óndirilgen topyraq kólemi 50 tonna bolǵan.
Atalǵan derek Petropavl qalalyq politsiia basqarmasynyń AEK-inde tirkelip, tiisti sharalar qabyldaý úshin oblystyq Ekologiia departamentine joldandy.
Ekologiia departamentiniń 18 tamyzdaǵy qaýlysymen kásipkerlik sýbektisi Ákimshilik quqyq buzýshylyq týraly kodekstiń 139-baby boiynsha aiyppul túrindegi ákimshilik jaýapkershilikke tartyldy.
Prokýratýra budan bólek, 2024–2025 jyldary 11 jer qoinaýyn paidalanýshynyń zań talaptaryn buza otyryp, óńirdiń áleýmettik-ekonomikalyq damýyna jalpy somasy 10,5 mln teńge qarajat aýdarmaǵanyn anyqtady.
Taǵy bir jaǵdaida jerasty sýlaryn paidalanatyn 26 sýbekt salyq zańnamasyn buzyp, jalpy somasy 29 mln teńge bolatyn qol qoiý bonýstaryn tólemegen.
Prokýrorlyq qadaǵalaý aktileri negizinde memleket paidasyna 18 mln teńge óndirildi. Qalǵan qarajatty óndirip alý boiynsha jumys jalǵasyp jatyr.
