Sailaýǵa barǵan azamattyń dene qyzýy kóterilip turǵan jaǵdaida onyń qalai daýys beretinin Almaty qalasynyń bas memlekettik sanitar dárigeri Jandarbek Bekshin onlain brifingide túsindirdi, dep habarlaidy QazAqparat.
Onyń sózinshe, árbir sailaý ýchaskesiniń aldynda daýys berýshilerdiń dene qyzýy tekseriledi.
«Eger daýys berýshiniń dene qyzýy kóterilip tursa, onyń sailaý ýchaskesine kirýine tyiym salynady. Jedel járdem kezekshilikte bolady. Dene qyzýy kóterilip turǵan adamdy statsionarǵa aparady, qajet bolǵan jaǵdaida aýrýhanaǵa jatqyzady. Meditsinalyq mekemelerde arnaiy bólme daiyndalǵan. Sol jerde daýys berýge bolady», - dedi Jandarbek Bekshin.
Óz kezeginde, Qoǵamdyq densaýlyq saqtaý basqarmasynyń basshysy Nariman Tabynbaev sailaý ýchaskelerinde meditsina qyzmetkerleri bolatynyn jáne daýys berýshilerdi baqylap otyratyn arnaiy bólme daiyndalǵanyn jetkizdi.
«Daýys berýshiniń dene qyzýy kóterilgen jaǵdai ony sol bólmege aparyp, dárigerler teksergennen keiin jedel járdem kóligimen alyp ketedi. Biz arnaiy aýrýhana daiyndap qoidyq, sol jerde naýqastar PTR-testiniń nátijesi shyqqanǵa deiin bolady. Sol bólmelerde daýys bere alady», - dep qosty ol.
