سايلاۋعا بارعان ازاماتتىڭ دەنە قىزۋى كٶتەرٸلٸپ تۇرعان جاعدايدا ونىڭ قالاي داۋىس بەرەتٸنٸن الماتى قالاسىنىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگٸدە تٷسٸندٸردٸ, دەپ حابارلايدى قازاقپارات.
ونىڭ سٶزٸنشە, ەربٸر سايلاۋ ۋچاسكەسٸنٸڭ الدىندا داۋىس بەرۋشٸلەردٸڭ دەنە قىزۋى تەكسەرٸلەدٸ.
«ەگەر داۋىس بەرۋشٸنٸڭ دەنە قىزۋى كٶتەرٸلٸپ تۇرسا, ونىڭ سايلاۋ ۋچاسكەسٸنە كٸرۋٸنە تىيىم سالىنادى. جەدەل جەردەم كەزەكشٸلٸكتە بولادى. دەنە قىزۋى كٶتەرٸلٸپ تۇرعان ادامدى ستاتسيونارعا اپارادى, قاجەت بولعان جاعدايدا اۋرۋحاناعا جاتقىزادى. مەديتسينالىق مەكەمەلەردە ارنايى بٶلمە دايىندالعان. سول جەردە داۋىس بەرۋگە بولادى», - دەدٸ جانداربەك بەكشين.
ٶز كەزەگٸندە, قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنباەۆ سايلاۋ ۋچاسكەلەرٸندە مەديتسينا قىزمەتكەرلەرٸ بولاتىنىن جەنە داۋىس بەرۋشٸلەردٸ باقىلاپ وتىراتىن ارنايى بٶلمە دايىندالعانىن جەتكٸزدٸ.
«داۋىس بەرۋشٸنٸڭ دەنە قىزۋى كٶتەرٸلگەن جاعداي ونى سول بٶلمەگە اپارىپ, دەرٸگەرلەر تەكسەرگەننەن كەيٸن جەدەل جەردەم كٶلٸگٸمەن الىپ كەتەدٸ. بٸز ارنايى اۋرۋحانا دايىنداپ قويدىق, سول جەردە ناۋقاستار پتر-تەستٸنٸڭ نەتيجەسٸ شىققانعا دەيٸن بولادى. سول بٶلمەلەردە داۋىس بەرە الادى», - دەپ قوستى ول.
