Úkimet basshysy Álihan Smaiylov QR Prezidenti Qasym-Jomart Toqaevtyń tapsyrmalaryn iske asyrý boiynsha keńes ótkizdi, dep habarlaidy Premer-Ministrdiń baspasóz qyzmeti.
Óńirler boiynsha turaqtandyrý qorlaryndaǵy qorlar turǵysynan áleýmettik mańyzy bar azyq-túlik taýarlarynyń baǵasy jáne monopoliiaǵa qarsy den qoiý sharalary qaraldy.
Óńirler boiynsha bir apta ishinde baǵanyń eń joǵary ósýi Almatyda 0,6%-ǵa, Shyǵys Qazaqstan, Qostanai jáne Qyzylorda oblystarynda 0,4%-ǵa tirkeldi.
Búginde óńirler kókónis ónimderiniń baǵasyn ustap turý úshin osy azyq-túlik qorlaryn sata bastady.
«Jekelegen kóterme-bólshek saýda bazarlarynda baǵany negizsiz kóterý baiqalýda. Buǵan jol bermeý kerek. Sebebi, bul infliatsiia úrdisterine yqpal etedi. Bul salada múmkin, qadaǵalaý organymen birge tártip ornatý qajet. Jedel sharalardan basqa, óndirýshilerdiń kóterme-bólshek bazarlaryna qoljetimdiligin qamtamasyz etý boiynsha naqty zańnamalyq normalardy belgileýdiń júieli sharalaryn ázirleý qajet», — dedi Á. Smaiylov.
Keńes barysynda infliatsiiany baqylaýdyń keshendi sharalaryn qabyldaý máselesi qaraldy.
2022-2024 jyldarǵa arnalǵan Infliatsiiany baqylaý jáne tómendetý sharalary kesheniniń jobasy ázirlendi, ol jedel jáne orta merzimdik sipattaǵy 66 is-sharany qamtityn 5 baǵyttan turady. Olar ónim óndirý kólemin ulǵaitýdy, taýarlardy saqtaýdy, logistikasyn, tasymaldaýdy, taýarlardyń bólshek saýdasyn, baǵa belgileýdi baqylaýdy, monopoliiaǵa qarsy jáne syrtqy saýdany retteýdi kózdeidi.
Básekelestikti qorǵaý jáne damytý agenttigi básekelestikti qorǵaý salasyndaǵy zańnamany buzýǵa jol bermeý, sondai-aq Atyraý, Qaraǵandy jáne Qostanai oblystarynda satý kezinde áleýmettik mańyzy bar azyq-túlik taýarlaryna saýda ústemesin 15%-dan 10%-ǵa deiin tómendetý boiynsha 5 akti jasady.
Sonymen qatar keńeske qatysýshylar «Aýyl – El besigi» baǵdarlamasy aiasynda elimizdiń batys jáne ońtústik óńirlerinde qosymsha jobalardy iske asyrý máselesin qarastyrdy. Memleket basshysynyń tapsyrmasyna sáikes baǵdarlama sheńberinde bilim berý, mádeniet jáne sport, densaýlyq saqtaý salasyndaǵy 130 jobadan turatyn tizim jasaldy.
Jalpy, 2022 jyldyń qorytyndysy boiynsha batys óńirlerde 8 meditsina nysany, 15 bilim berý nysany, 14 sport, 15 mádeniet nysany, ońtústik óńirlerde 26 meditsina nysany, 23 bilim berý, 14 sport, 15 mádeniet nysany salynyp, jańǵyrtylady.
Atalǵan is-sharalardy iske asyrý respýblikanyń batys jáne ońtústik óńirlerindegi 112 aýyldyq eldi mekende turatyn 500 myńnan astam aýyl turǵyndaryna meditsinalyq, bilim berý, sport jáne basqa da qyzmetterdi usyný sapasyn qamtamasyz etýge múmkindik beredi.
