ٷكٸمەت باسشىسى ەليحان سمايىلوۆ قر پرەزيدەنتٸ قاسىم-جومارت توقاەۆتىڭ تاپسىرمالارىن ٸسكە اسىرۋ بويىنشا كەڭەس ٶتكٸزدٸ, دەپ حابارلايدى پرەمەر-مينيستردٸڭ باسپاسٶز قىزمەتٸ.
ٶڭٸرلەر بويىنشا تۇراقتاندىرۋ قورلارىنداعى قورلار تۇرعىسىنان ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسى جەنە مونوپوليياعا قارسى دەن قويۋ شارالارى قارالدى.
ٶڭٸرلەر بويىنشا بٸر اپتا ٸشٸندە باعانىڭ ەڭ جوعارى ٶسۋٸ الماتىدا 0,6%-عا, شىعىس قازاقستان, قوستاناي جەنە قىزىلوردا وبلىستارىندا 0,4%-عا تٸركەلدٸ.
بٷگٸندە ٶڭٸرلەر كٶكٶنٸس ٶنٸمدەرٸنٸڭ باعاسىن ۇستاپ تۇرۋ ٷشٸن وسى ازىق-تٷلٸك قورلارىن ساتا باستادى.
«جەكەلەگەن كٶتەرمە-بٶلشەك ساۋدا بازارلارىندا باعانى نەگٸزسٸز كٶتەرۋ بايقالۋدا. بۇعان جول بەرمەۋ كەرەك. سەبەبٸ, بۇل ينفلياتسييا ٷردٸستەرٸنە ىقپال ەتەدٸ. بۇل سالادا مٷمكٸن, قاداعالاۋ ورگانىمەن بٸرگە تەرتٸپ ورناتۋ قاجەت. جەدەل شارالاردان باسقا, ٶندٸرۋشٸلەردٸڭ كٶتەرمە-بٶلشەك بازارلارىنا قولجەتٸمدٸلٸگٸن قامتاماسىز ەتۋ بويىنشا ناقتى زاڭنامالىق نورمالاردى بەلگٸلەۋدٸڭ جٷيەلٸ شارالارىن ەزٸرلەۋ قاجەت», — دەدٸ ە. سمايىلوۆ.
كەڭەس بارىسىندا ينفلياتسييانى باقىلاۋدىڭ كەشەندٸ شارالارىن قابىلداۋ مەسەلەسٸ قارالدى.
2022-2024 جىلدارعا ارنالعان ينفلياتسييانى باقىلاۋ جەنە تٶمەندەتۋ شارالارى كەشەنٸنٸڭ جوباسى ەزٸرلەندٸ, ول جەدەل جەنە ورتا مەرزٸمدٸك سيپاتتاعى 66 ٸس-شارانى قامتيتىن 5 باعىتتان تۇرادى. ولار ٶنٸم ٶندٸرۋ كٶلەمٸن ۇلعايتۋدى, تاۋارلاردى ساقتاۋدى, لوگيستيكاسىن, تاسىمالداۋدى, تاۋارلاردىڭ بٶلشەك ساۋداسىن, باعا بەلگٸلەۋدٸ باقىلاۋدى, مونوپوليياعا قارسى جەنە سىرتقى ساۋدانى رەتتەۋدٸ كٶزدەيدٸ.
بەسەكەلەستٸكتٸ قورعاۋ جەنە دامىتۋ اگەنتتٸگٸ بەسەكەلەستٸكتٸ قورعاۋ سالاسىنداعى زاڭنامانى بۇزۋعا جول بەرمەۋ, سونداي-اق اتىراۋ, قاراعاندى جەنە قوستاناي وبلىستارىندا ساتۋ كەزٸندە ەلەۋمەتتٸك ماڭىزى بار ازىق-تٷلٸك تاۋارلارىنا ساۋدا ٷستەمەسٸن 15%-دان 10%-عا دەيٸن تٶمەندەتۋ بويىنشا 5 اكتٸ جاسادى.
سونىمەن قاتار كەڭەسكە قاتىسۋشىلار «اۋىل – ەل بەسٸگٸ» باعدارلاماسى اياسىندا ەلٸمٸزدٸڭ باتىس جەنە وڭتٷستٸك ٶڭٸرلەرٸندە قوسىمشا جوبالاردى ٸسكە اسىرۋ مەسەلەسٸن قاراستىردى. مەملەكەت باسشىسىنىڭ تاپسىرماسىنا سەيكەس باعدارلاما شەڭبەرٸندە بٸلٸم بەرۋ, مەدەنيەت جەنە سپورت, دەنساۋلىق ساقتاۋ سالاسىنداعى 130 جوبادان تۇراتىن تٸزٸم جاسالدى.
جالپى, 2022 جىلدىڭ قورىتىندىسى بويىنشا باتىس ٶڭٸرلەردە 8 مەديتسينا نىسانى, 15 بٸلٸم بەرۋ نىسانى, 14 سپورت, 15 مەدەنيەت نىسانى, وڭتٷستٸك ٶڭٸرلەردە 26 مەديتسينا نىسانى, 23 بٸلٸم بەرۋ, 14 سپورت, 15 مەدەنيەت نىسانى سالىنىپ, جاڭعىرتىلادى.
اتالعان ٸس-شارالاردى ٸسكە اسىرۋ رەسپۋبليكانىڭ باتىس جەنە وڭتٷستٸك ٶڭٸرلەرٸندەگٸ 112 اۋىلدىق ەلدٸ مەكەندە تۇراتىن 500 مىڭنان استام اۋىل تۇرعىندارىنا مەديتسينالىق, بٸلٸم بەرۋ, سپورت جەنە باسقا دا قىزمەتتەردٸ ۇسىنۋ ساپاسىن قامتاماسىز ەتۋگە مٷمكٸندٸك بەرەدٸ.
