Saýd Arabiiasyndaǵy Mekke qalasyna búgin millionnan astam adam qajylyq jasaý úshin jinaldy, dep habarlaidy QazAqparat agenttigi AlJazeera-ǵa silteme jasap.
2020 jáne 2021 jyldary koroldik biligi koronavirýs pandemiiasyna bailanysty qajylyqqa kelýshiler sanyna shekteý qoiǵan edi. Sondyqtan biyl adam kóp jinaldy.
Alaida, qajylyqqa barǵandar pandemiiaǵa deiingi deńgeige jetpei tur. 2019 jyly bul kórsetkish 2,5 mln adamdy quraǵan bolatyn.
Biyl Saýd Arabiiasy 1 million qajylyqqa kvota belgiledi, sonymen qatar qatań talaptar qoidy: qajylyqqa kelýshiler jasy 65-ten aspaýy kerek jáne COVID-19-ǵa qarsy ekpe sertifikaty bolýy tiis.
Mekkede, Medinada jáne Djiddada búgin aýa temperatýrasy 28-43 gradýs aralyǵynda, dep habarlaidy SPA Saýd baspa agenttigi.
Qajylyq kezeńinde aýa temperatýrasy joǵary bolatyndyqtan, Saýd Arabiiasynyń densaýlyq saqtaý ministrligi kún astynda ystyq ótken adamdarǵa 238 jatyn oryn ázirlep qoidy.
Budan bólek, Minada 550 oryndyq 4 aýrýhana men 26 meditsina ortalyǵy, 175 jedel járdem kóligi daiyn tur. Sondai-aq, qajylyqqa 3 júzden astam múmkindigi shekteýli jandar, jetim balalar kelgen. Olar keshe Djidda qalasyndaǵy áýejaiǵa keldi. Qajylyq bes kún ótedi. Musylman kúntizbesi boiynsha Zý-l-hidja aiynyń 8-12, Grigorian kúntizbesimen 7-12 shilde aralyǵynda.
