ساۋد ارابيياسىنداعى مەككە قالاسىنا بٷگٸن ميلليوننان استام ادام قاجىلىق جاساۋ ٷشٸن جينالدى, دەپ حابارلايدى قازاقپارات اگەنتتٸگٸ AlJazeera-عا سٸلتەمە جاساپ.
2020 جەنە 2021 جىلدارى كورولدٸك بيلٸگٸ كوروناۆيرۋس پاندەميياسىنا بايلانىستى قاجىلىققا كەلۋشٸلەر سانىنا شەكتەۋ قويعان ەدٸ. سوندىقتان بيىل ادام كٶپ جينالدى.
الايدا, قاجىلىققا بارعاندار پاندەميياعا دەيٸنگٸ دەڭگەيگە جەتپەي تۇر. 2019 جىلى بۇل كٶرسەتكٸش 2,5 ملن ادامدى قۇراعان بولاتىن.
بيىل ساۋد ارابيياسى 1 ميلليون قاجىلىققا كۆوتا بەلگٸلەدٸ, سونىمەن قاتار قاتاڭ تالاپتار قويدى: قاجىلىققا كەلۋشٸلەر جاسى 65-تەن اسپاۋى كەرەك جەنە COVID-19-عا قارسى ەكپە سەرتيفيكاتى بولۋى تيٸس.
مەككەدە, مەدينادا جەنە دجيددادا بٷگٸن اۋا تەمپەراتۋراسى 28-43 گرادۋس ارالىعىندا, دەپ حابارلايدى SPA ساۋد باسپا اگەنتتٸگٸ.
قاجىلىق كەزەڭٸندە اۋا تەمپەراتۋراسى جوعارى بولاتىندىقتان, ساۋد ارابيياسىنىڭ دەنساۋلىق ساقتاۋ مينيسترلٸگٸ كٷن استىندا ىستىق ٶتكەن ادامدارعا 238 جاتىن ورىن ەزٸرلەپ قويدى.
بۇدان بٶلەك, مينادا 550 ورىندىق 4 اۋرۋحانا مەن 26 مەديتسينا ورتالىعى, 175 جەدەل جەردەم كٶلٸگٸ دايىن تۇر. سونداي-اق, قاجىلىققا 3 جٷزدەن استام مٷمكٸندٸگٸ شەكتەۋلٸ جاندار, جەتٸم بالالار كەلگەن. ولار كەشە دجيددا قالاسىنداعى ەۋەجايعا كەلدٸ. قاجىلىق بەس كٷن ٶتەدٸ. مۇسىلمان كٷنتٸزبەسٸ بويىنشا زۋ-ل-حيدجا ايىنىڭ 8-12, گريگوريان كٷنتٸزبەسٸمەن 7-12 شٸلدە ارالىعىندا.
