Búgin Qazaqstan Respýblikasynyń Prezidenti Nursultan Ábishuly Nazarbaev Astanada ótken «Indýstriialandyrýdyń ekinshi besjyldyǵy: Qazaqstanda jasalǵan» atty jalpyulttyq telekópirge qatysty. Saltanatty shara barysynda onlain rejimde birqatar indýstriialyq, infraqurylymdyq, agrarlyq jáne tsifrlyq jobalar iske qosyldy.
El igiligi jolynda jańadan qolǵa alynyp jatqan jobalar qatarynda "Saryarqa" gaz qubyrynyń qurylysy da bar. Elbasy naýryz aiyndaǵy halyqqa úndeýi kezinde «Biz Qaraózek (Qyzylorda oblysy) – Jezqazǵan–Qaraǵandy–Temirtaý–Astana baǵytynda magistraldi gaz qubyryn salý jobasyn júzege asyrýymyz kerek. Oǵan tiisinshe qarajat tartý qajet bolady, sonyń ishinde halyqaralyq qarjy institýttarynan da. Bul 2,7 million adamdy gazben qamtamasyz etýmen qatar, shaǵyn jáne orta biznestiń jańa óndiristerin ashýǵa múmkindik beredi. Sonymen birge, ekologiia jaqsarady» - degen bolatyn. Bul úndeý jańa gaz qubyrynyń tartylýyna jol ashty.
Elorda tórindegi telekópir kezinde Memleket basshysy 5 áleýmettik bastamanyń» biri retinde Astanany gazdandyrý jobasyndaǵy Qyzylorda-Jezqazǵan-Qaraǵandy-Temirtaý-Astana baǵyty boiynsha uzaqtyǵy 1061 km bolatyn jáne jylyna 2,2 milliard tekshe metr gaz ótkizý múmkindigi bar «Saryarqa» gaz magistraliniń 1-shi kezeńin iske qosýǵa pármen berdi.
- Bul bizdiń eń iri jobamyzdyń biri. Munai men gaz shyǵaratyn memleket retinde Qazaqstannyń ortalyǵyn gazdandyrý máselesine endi ǵana nazar aýdardyq. Endi bul el aldyndaǵy úlken jaýapkershilik. Biz kelesi jyly osy mańyzdy gaz qubyrynyń qurylysy aiaqtalyp qaldy dep aitatyn bolamyz. Bul gaz qubyry bizdiń elordamyzǵa deiin jetip, ár úige barady. Osylaisha, ónerkásibimiz órkendei túsedi. Sizderge sáttilik tileimin», - dedi Elbasy.
Búginde jobanyń smetalyq qujattamasy ázirlenip, saraptamalyq oń qorytyndy alynǵan. 2019 jyly qurylysy bastalatyn gaz qubyrynyń búginde qarjylandyrý kestesi men sharttary ázirlenip Úkimettiń tiisti sheshimderimen bekitilgen.
- Naýryz aiynda Siz jariialaǵan 5 áleýmettik bastamanyń biri eldiń ortalyq jáne soltústik aimaqtaryn gazdandyrýǵa arnalǵan bolatyn. Qolǵa alynǵan «Saryarqa» magistraldyq gaz qubyry «Qyzylorda-Jezqazǵan-Qaraǵandy-Temirtaý-Astana» baǵdary boiynsha ótedi. Onyń jalpy uzyndyǵy 1 061 shaqyrymǵa tartylady jáne bir jyldaǵy gaz ótkizý múmkindigi 2,2 mlrd tekshe metrge jetedi. Atalǵan jobany iske asyrý 2 million 700 myń qazaqstandyqty gazben qamtamasyz etýge jol ashady, - dedi «Astana Gaz» QMG bas direktory Saǵidolla Maqashev.
«Saryarqa» gaz magistralin salýdyń mańyzy joǵary. Qaraózek gaz kompressorlyq stantsiiasynan 44 shaqyrym jerde «Beineý-Bozoi-Shymkent» gaz qubyrynyń boiynan buryp salynatyn joba aiasynda myń shaqyrymnan astam magistraldy jeli tartylady. Qurylys aiaqtalǵanda el ortalyǵy men soltústik óńirlerindegi 171 eldi mekenge kógildir otyn jetedi. Onyń ishinde Astana qalasy mańy men Qaraǵandy oblysynyń 119 eldi mekeni jáne Aqmola oblysynyń 51 eldi mekeni tabiǵi gazben kezeń-kezeńimen qamtamasyz etiledi.
Qazirgi tańda halyqty gazdandyrý deńgeii 47,38% quraidy. Bul degenimiz 8,5 million turǵyn gazben qamtylǵan. Aǵymdaǵy jyly memleket tarapynan gazdandyrýǵa 18,4 milliard teńge, al ulttyq operator tarapynan 1,5 milliard teńge qarastyrylǵan. Ústimizdegi jyldyń qorytyndysy boiynsha kógildir otynǵa qol jetkizgen turǵyndar sany taǵy 129 myńǵa artady dep kútilýde. Búginde elimizdegi 17 óńirdiń 11-i tabiǵi gazben qamtylǵan.
