بٷگٸن قازاقستان رەسپۋبليكاسىنىڭ پرەزيدەنتٸ نۇرسۇلتان ەبٸشۇلى نازارباەۆ استانادا ٶتكەن «يندۋسترييالاندىرۋدىڭ ەكٸنشٸ بەسجىلدىعى: قازاقستاندا جاسالعان» اتتى جالپىۇلتتىق تەلەكٶپٸرگە قاتىستى. سالتاناتتى شارا بارىسىندا ونلاين رەجيمدە بٸرقاتار يندۋسترييالىق, ينفراقۇرىلىمدىق, اگرارلىق جەنە تسيفرلىق جوبالار ٸسكە قوسىلدى.
ەل يگٸلٸگٸ جولىندا جاڭادان قولعا الىنىپ جاتقان جوبالار قاتارىندا "سارىارقا" گاز قۇبىرىنىڭ قۇرىلىسى دا بار. ەلباسى ناۋرىز ايىنداعى حالىققا ٷندەۋٸ كەزٸندە «بٸز قاراٶزەك (قىزىلوردا وبلىسى) – جەزقازعان–قاراعاندى–تەمٸرتاۋ–استانا باعىتىندا ماگيسترالدٸ گاز قۇبىرىن سالۋ جوباسىن جٷزەگە اسىرۋىمىز كەرەك. وعان تيٸسٸنشە قاراجات تارتۋ قاجەت بولادى, سونىڭ ٸشٸندە حالىقارالىق قارجى ينستيتۋتتارىنان دا. بۇل 2,7 ميلليون ادامدى گازبەن قامتاماسىز ەتۋمەن قاتار, شاعىن جەنە ورتا بيزنەستٸڭ جاڭا ٶندٸرٸستەرٸن اشۋعا مٷمكٸندٸك بەرەدٸ. سونىمەن بٸرگە, ەكولوگييا جاقسارادى» - دەگەن بولاتىن. بۇل ٷندەۋ جاڭا گاز قۇبىرىنىڭ تارتىلۋىنا جول اشتى.
ەلوردا تٶرٸندەگٸ تەلەكٶپٸر كەزٸندە مەملەكەت باسشىسى 5 ەلەۋمەتتٸك باستامانىڭ» بٸرٸ رەتٸندە استانانى گازداندىرۋ جوباسىنداعى قىزىلوردا-جەزقازعان-قاراعاندى-تەمٸرتاۋ-استانا باعىتى بويىنشا ۇزاقتىعى 1061 كم بولاتىن جەنە جىلىنا 2,2 ميلليارد تەكشە مەتر گاز ٶتكٸزۋ مٷمكٸندٸگٸ بار «سارىارقا» گاز ماگيسترالٸنٸڭ 1-شٸ كەزەڭٸن ٸسكە قوسۋعا پەرمەن بەردٸ.
- بۇل بٸزدٸڭ ەڭ ٸرٸ جوبامىزدىڭ بٸرٸ. مۇناي مەن گاز شىعاراتىن مەملەكەت رەتٸندە قازاقستاننىڭ ورتالىعىن گازداندىرۋ مەسەلەسٸنە ەندٸ عانا نازار اۋداردىق. ەندٸ بۇل ەل الدىنداعى ٷلكەن جاۋاپكەرشٸلٸك. بٸز كەلەسٸ جىلى وسى ماڭىزدى گاز قۇبىرىنىڭ قۇرىلىسى اياقتالىپ قالدى دەپ ايتاتىن بولامىز. بۇل گاز قۇبىرى بٸزدٸڭ ەلوردامىزعا دەيٸن جەتٸپ, ەر ٷيگە بارادى. وسىلايشا, ٶنەركەسٸبٸمٸز ٶركەندەي تٷسەدٸ. سٸزدەرگە سەتتٸلٸك تٸلەيمٸن», - دەدٸ ەلباسى.
بٷگٸندە جوبانىڭ سمەتالىق قۇجاتتاماسى ەزٸرلەنٸپ, ساراپتامالىق وڭ قورىتىندى الىنعان. 2019 جىلى قۇرىلىسى باستالاتىن گاز قۇبىرىنىڭ بٷگٸندە قارجىلاندىرۋ كەستەسٸ مەن شارتتارى ەزٸرلەنٸپ ٷكٸمەتتٸڭ تيٸستٸ شەشٸمدەرٸمەن بەكٸتٸلگەن.
- ناۋرىز ايىندا سٸز جارييالاعان 5 ەلەۋمەتتٸك باستامانىڭ بٸرٸ ەلدٸڭ ورتالىق جەنە سولتٷستٸك ايماقتارىن گازداندىرۋعا ارنالعان بولاتىن. قولعا الىنعان «سارىارقا» ماگيسترالدىق گاز قۇبىرى «قىزىلوردا-جەزقازعان-قاراعاندى-تەمٸرتاۋ-استانا» باعدارى بويىنشا ٶتەدٸ. ونىڭ جالپى ۇزىندىعى 1 061 شاقىرىمعا تارتىلادى جەنە بٸر جىلداعى گاز ٶتكٸزۋ مٷمكٸندٸگٸ 2,2 ملرد تەكشە مەترگە جەتەدٸ. اتالعان جوبانى ٸسكە اسىرۋ 2 ميلليون 700 مىڭ قازاقستاندىقتى گازبەن قامتاماسىز ەتۋگە جول اشادى, - دەدٸ «استانا گاز» قمگ باس ديرەكتورى ساعيدوللا ماقاشەۆ.
«سارىارقا» گاز ماگيسترالٸن سالۋدىڭ ماڭىزى جوعارى. قاراٶزەك گاز كومپرەسسورلىق ستانتسيياسىنان 44 شاقىرىم جەردە «بەينەۋ-بوزوي-شىمكەنت» گاز قۇبىرىنىڭ بويىنان بۇرىپ سالىناتىن جوبا اياسىندا مىڭ شاقىرىمنان استام ماگيسترالدى جەلٸ تارتىلادى. قۇرىلىس اياقتالعاندا ەل ورتالىعى مەن سولتٷستٸك ٶڭٸرلەرٸندەگٸ 171 ەلدٸ مەكەنگە كٶگٸلدٸر وتىن جەتەدٸ. ونىڭ ٸشٸندە استانا قالاسى ماڭى مەن قاراعاندى وبلىسىنىڭ 119 ەلدٸ مەكەنٸ جەنە اقمولا وبلىسىنىڭ 51 ەلدٸ مەكەنٸ تابيعي گازبەن كەزەڭ-كەزەڭٸمەن قامتاماسىز ەتٸلەدٸ.
قازٸرگٸ تاڭدا حالىقتى گازداندىرۋ دەڭگەيٸ 47,38% قۇرايدى. بۇل دەگەنٸمٸز 8,5 ميلليون تۇرعىن گازبەن قامتىلعان. اعىمداعى جىلى مەملەكەت تاراپىنان گازداندىرۋعا 18,4 ميلليارد تەڭگە, ال ۇلتتىق وپەراتور تاراپىنان 1,5 ميلليارد تەڭگە قاراستىرىلعان. ٷستٸمٸزدەگٸ جىلدىڭ قورىتىندىسى بويىنشا كٶگٸلدٸر وتىنعا قول جەتكٸزگەن تۇرعىندار سانى تاعى 129 مىڭعا ارتادى دەپ كٷتٸلۋدە. بٷگٸندە ەلٸمٸزدەگٸ 17 ٶڭٸردٸڭ 11-ٸ تابيعي گازبەن قامتىلعان.
