Saryaǵash aýdanynda mal sharýashylyǵy qarqyndy damyp keledi, dep habarlaidy OQO ákiminiń baspasóz qyzmeti.
Búginde munda sút óndirýmen ainalysatyn birneshe sharýa qojalyǵy qaita óńdeý salasyna mán berip otyr. Solardyń biri - Darbaza aýyldyq okrýginde ornalasqan «Firma Saken» JShS-gi. Sút óndirýmen ainalysatyn seriktestiktiń negizi 2000 jyly qalanǵan. Saryaǵash aýdanyna jasaǵan jumys sapary barysynda oblys ákimi Janseiit Túimebaev seriktestiktiń qorajaiyn aralap kórip, jumysyna oń baǵa berdi.
«Saryaǵash aýdanynda jaiylym kemshin bolǵandyqtan mal basyn kóbeitýge múmkindik az. Desek te, bul qiyndyqqa qaramastan qorasyn malǵa toltyryp, sút óndirý isine den qoiǵan sharýashylyqtyń qaitap óńdeý isine dem berip otyrǵany qýantady. Osy rette aýdan basshylyǵy sharýalarǵa memleket tarapynan kórsetiletin barlyq jeńildikterdi der kezinde kórsetýi qajet», - dedi Janseiit Qanseiituly.
Búginde seriktestik qorasynda 2642 bas mal basy bar. Onyń 595-i iri qara bolsa, 2047-si ýaq mal. Qojalyq basshysy aldaǵy ýaqytta mal basyn kóbeitip, sút ónim túrlerin kóptep óndirýge den qoimaqshy.
«Búginde seriktestik ieliginde 1592 gektar jer bar. Jaiylym tarshylyǵy ázirge sezilip otyrǵan joq. Jýyrda biz zamanaýi sońǵy úlgidegi ozyq tehnologiialardy ornatýdyń arqasynda sút jáne sút ónimderin sapaly etip óndirýge qol jetkizip otyrmyz», - deidi qojalyq tóraiymy Sharkúl Bagazieva.
Ozyq tehnolgiiany keńinen qoldana bastaǵan seriktestikte jylyna 720 tonna shamasynda sút ónimderin daiyndaidy. Seriktestik búginde 20 adamdy turaqty jumyspen qamtyp otyr.
Oblys ákimi aralaǵan kórgen kelesi nysan - «Baza - Servis» JShS-niń 2,5 gektar aýmaqta ornalasqan aýylsharýashylyq ónimderin saqtaý qoimasy men kókónis ónimderin konservileý tsehy boldy. Jalpy quny 1 mlrd 200 mln teńgeniń quraityn qoimaǵa seriktestik 900 mln teńgeni jeke qarajaty esebinen shyǵarsa, 300 mln teńgeni nesie alý negizinde júzege asyrypty. Qoimanyń syiymdylyǵy 10 myń tonnany quraidy. Kásiporynnyń konservileý tsehy aiyna 60 myń shyny ydysqa ónim jabýǵa qaýqarly. Seriktestikte búginde 20 adam turaqty jumyspen qamtylǵan.
