سارىاعاش اۋدانىندا مال شارۋاشىلىعى قارقىندى دامىپ كەلەدٸ, دەپ حابارلايدى وقو ەكٸمٸنٸڭ باسپاسٶز قىزمەتٸ.
بٷگٸندە مۇندا سٷت ٶندٸرۋمەن اينالىساتىن بٸرنەشە شارۋا قوجالىعى قايتا ٶڭدەۋ سالاسىنا مەن بەرٸپ وتىر. سولاردىڭ بٸرٸ - داربازا اۋىلدىق وكرۋگٸندە ورنالاسقان «فيرما ساكەن» جشس-گٸ. سٷت ٶندٸرۋمەن اينالىساتىن سەرٸكتەستٸكتٸڭ نەگٸزٸ 2000 جىلى قالانعان. سارىاعاش اۋدانىنا جاساعان جۇمىس ساپارى بارىسىندا وبلىس ەكٸمٸ جانسەيٸت تٷيمەباەۆ سەرٸكتەستٸكتٸڭ قوراجايىن ارالاپ كٶرٸپ, جۇمىسىنا وڭ باعا بەردٸ.
«سارىاعاش اۋدانىندا جايىلىم كەمشٸن بولعاندىقتان مال باسىن كٶبەيتۋگە مٷمكٸندٸك از. دەسەك تە, بۇل قيىندىققا قاراماستان قوراسىن مالعا تولتىرىپ, سٷت ٶندٸرۋ ٸسٸنە دەن قويعان شارۋاشىلىقتىڭ قايتاپ ٶڭدەۋ ٸسٸنە دەم بەرٸپ وتىرعانى قۋانتادى. وسى رەتتە اۋدان باسشىلىعى شارۋالارعا مەملەكەت تاراپىنان كٶرسەتٸلەتٸن بارلىق جەڭٸلدٸكتەردٸ دەر كەزٸندە كٶرسەتۋٸ قاجەت», - دەدٸ جانسەيٸت قانسەيٸتۇلى.
بٷگٸندە سەرٸكتەستٸك قوراسىندا 2642 باس مال باسى بار. ونىڭ 595-ٸ ٸرٸ قارا بولسا, 2047-سٸ ۋاق مال. قوجالىق باسشىسى الداعى ۋاقىتتا مال باسىن كٶبەيتٸپ, سٷت ٶنٸم تٷرلەرٸن كٶپتەپ ٶندٸرۋگە دەن قويماقشى.
«بٷگٸندە سەرٸكتەستٸك يەلٸگٸندە 1592 گەكتار جەر بار. جايىلىم تارشىلىعى ەزٸرگە سەزٸلٸپ وتىرعان جوق. جۋىردا بٸز زاماناۋي سوڭعى ٷلگٸدەگٸ وزىق تەحنولوگييالاردى ورناتۋدىڭ ارقاسىندا سٷت جەنە سٷت ٶنٸمدەرٸن ساپالى ەتٸپ ٶندٸرۋگە قول جەتكٸزٸپ وتىرمىز», - دەيدٸ قوجالىق تٶرايىمى شاركٷل باگازيەۆا.
وزىق تەحنولگييانى كەڭٸنەن قولدانا باستاعان سەرٸكتەستٸكتە جىلىنا 720 توننا شاماسىندا سٷت ٶنٸمدەرٸن دايىندايدى. سەرٸكتەستٸك بٷگٸندە 20 ادامدى تۇراقتى جۇمىسپەن قامتىپ وتىر.
وبلىس ەكٸمٸ ارالاعان كٶرگەن كەلەسٸ نىسان - «بازا - Servis» جشس-نٸڭ 2,5 گەكتار اۋماقتا ورنالاسقان اۋىلشارۋاشىلىق ٶنٸمدەرٸن ساقتاۋ قويماسى مەن كٶكٶنٸس ٶنٸمدەرٸن كونسەرۆٸلەۋ تسەحى بولدى. جالپى قۇنى 1 ملرد 200 ملن تەڭگەنٸڭ قۇرايتىن قويماعا سەرٸكتەستٸك 900 ملن تەڭگەنٸ جەكە قاراجاتى ەسەبٸنەن شىعارسا, 300 ملن تەڭگەنٸ نەسيە الۋ نەگٸزٸندە جٷزەگە اسىرىپتى. قويمانىڭ سىيىمدىلىعى 10 مىڭ توننانى قۇرايدى. كەسٸپورىننىڭ كونسەرۆٸلەۋ تسەحى ايىنا 60 مىڭ شىنى ىدىسقا ٶنٸم جابۋعا قاۋقارلى. سەرٸكتەستٸكتە بٷگٸندە 20 ادام تۇراقتى جۇمىسپەن قامتىلعان.
