Búgin elordadaǵy Ulttyq mýzeide Qazaqstanda tabylǵan 8-shi «Altyn adamnyń» jańǵyrtylǵan túriniń (rekonstrýktsiia) tanystyrylymy ótti, dep habarlaidy QazAqparat.
Elimizde segizinshi «Altyn adam» 2019 jyly Aqtóbe oblysy Temir aýdany Tasqopa eldimekeninen tabylǵan. Sarmat dáýirine jatatyn qundy jádigerdi mamandar 2 jyl boiy zerttep, qaita jańǵyrtyp, búgin elorda tórine alyp keldi.
«Altyn adam» — bizdiń tarihymyzdyń asyl qazynasy. Ótkenimizdiń qandai bolǵanyn osydan bilýge bolady. Bul — baǵa jetpes ulttyq qundylyq. Mine, Táýelsizdiktiń 30 jyldyǵy qarsańynda osyndai aitýly oqiǵaǵa kýá bolyp otyrmyz. Bir ǵana «Altyn adam» arqyly Uly Dalanyń ereksheligin tanyp, bilýge bolady. Elbasy Nursultan Nazarbaevtyń bastamasymen qolǵa alynǵan «Rýhani jańǵyrý» baǵdarlamasynyń jemisi. Aqtóbe óńirinen tabylǵan kezekti «Altyn adam» bul jai ǵana dúnie emes jáne kezdeisoqtyqqa jatpaidy. Bul týǵan jer tarihynyń jańa paraqshasy, ata-babalarymyzdyń izi. Osy oraida qundy jádigerdi taýyp, ony jańǵyrtýǵa atsalysqan arheolog, restavratorǵa alǵys bildiremin», - dedi QR Ulttyq mýzeiiniń direktory Arystanbek Muhamediuly segizinshe altyn adamnyń ashylý saltanatynda.
Seginshi «Altyn adamnyń» sulbasyn qaita jańǵyrtýǵa otandyq arheolog, restavratormen birge kórshi reseilik mamandar da úlesin qosqan.
«Altyn adam» 2019 jyldyń qazan aiynda tabyldy. Al Aqtóbede jurtshylyqqa byltyr kóktemde usynyldy. Sodan beri onyń sulbasyn qaita jańǵyrtý jumysymen ainalystyq. Tabylǵan jádigerdiń qundylyǵyn saqtap, qasietin joǵaltpaý úshin túpnusqadan alshaqtamaýǵa tyrystyq. Bul er adam, onyń múrdesinen bólek, jeke zattary da tabyldy. Onyń ishinde belbeý, qylyshtyń shirigen qaldyǵy jáne taǵy basqa», - dedi Á. Marǵulan atyndaǵy Arheologiia institýtynyń qyzmetkeri, arheolog-ǵalym Arman Beisembaev.
Tarihi jádiger Ulttyq mýzeidiń «Altyn zalyna» qoiyldy. Jáne onyń ashylý saltanatyna qoǵam qairatkerleri men tarihshy, arheolog-ǵalymdar qatysty.
«Altyn adamnyń» sulbasyn qaita jańǵyrtýǵa (rekonstrýktsiia) 2 jyldai ýaqyt jumsaldy. Aldymen túpnusqa zertteledi. Iaǵni shyǵarmashylyq emes zertteý jumystary júrgiziledi. Iaǵni tabylǵan altyn adamnyń jynysy qandai? Jasy neshede? Ómirde kim bolǵan taǵy sol siiaqty. Odan bólek, tabylǵan zattar da zertteledi. Zertteý nátijesi kórsetkendai segizinshe «Altyn adamnyń» jasy shamamen 50-de jáne ol kósem bolǵan», -dedi sýretshi-restavrator Bolat Atyraýbaev.
