Qostanai qalasynyń 147 jyldyǵyna arnalǵan merekelik is-sharalar aiasynda «Botai – Uly Dala mádenieti» atty kóshpeli kórme ótti, dep habarlaidy ult.kz.
Ekspozitsiiaǵa tastan, súiekten jáne qyshtan jasalǵan 139 arheologiialyq jádiger qoiyldy. Sondai-aq kelýshiler nazaryna taqyryptyq kórkem týyndylar men ejelgi qonystyń maketi usynyldy.
Kórme qonaqtary eneolit dáýirindegi turǵyndardyń turmys-tirshiligimen, qolónerimen jáne mádenietimen tanysyp, jylqyny qolǵa úiretý tarihy týraly mol maǵlumat aldy.
Arheologiialyq materialdar Botai mádenietiniń Uly Dala tarihyndaǵy orny men mańyzyn tereńirek tanytýǵa múmkindik berdi. Kórmeni ejelgi mádenietterdi zerttep júrgen sheteldik mamandar da tamashalady.
Baǵdarlama aiasynda Qazaqstan tarihy men arheologiialyq murasyna arnalǵan sheberlik sabaqtary, tanymdyq jáne mádeni is-sharalar uiymdastyryldy.
