بٷگٸن ەلورداداعى ۇلتتىق مۋزەيدە قازاقستاندا تابىلعان 8-شٸ «التىن ادامنىڭ» جاڭعىرتىلعان تٷرٸنٸڭ (رەكونسترۋكتسييا) تانىستىرىلىمى ٶتتٸ, دەپ حابارلايدى قازاقپارات.
ەلٸمٸزدە سەگٸزٸنشٸ «التىن ادام» 2019 جىلى اقتٶبە وبلىسى تەمٸر اۋدانى تاسقوپا ەلدٸمەكەنٸنەن تابىلعان. سارمات دەۋٸرٸنە جاتاتىن قۇندى جەدٸگەردٸ ماماندار 2 جىل بويى زەرتتەپ, قايتا جاڭعىرتىپ, بٷگٸن ەلوردا تٶرٸنە الىپ كەلدٸ.
«التىن ادام» — بٸزدٸڭ تاريحىمىزدىڭ اسىل قازىناسى. ٶتكەنٸمٸزدٸڭ قانداي بولعانىن وسىدان بٸلۋگە بولادى. بۇل — باعا جەتپەس ۇلتتىق قۇندىلىق. مٸنە, تەۋەلسٸزدٸكتٸڭ 30 جىلدىعى قارساڭىندا وسىنداي ايتۋلى وقيعاعا كۋە بولىپ وتىرمىز. بٸر عانا «التىن ادام» ارقىلى ۇلى دالانىڭ ەرەكشەلٸگٸن تانىپ, بٸلۋگە بولادى. ەلباسى نۇرسۇلتان نازارباەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسىنىڭ جەمٸسٸ. اقتٶبە ٶڭٸرٸنەن تابىلعان كەزەكتٸ «التىن ادام» بۇل جاي عانا دٷنيە ەمەس جەنە كەزدەيسوقتىققا جاتپايدى. بۇل تۋعان جەر تاريحىنىڭ جاڭا پاراقشاسى, اتا-بابالارىمىزدىڭ ٸزٸ. وسى ورايدا قۇندى جەدٸگەردٸ تاۋىپ, ونى جاڭعىرتۋعا اتسالىسقان ارحەولوگ, رەستاۆراتورعا العىس بٸلدٸرەمٸن», - دەدٸ قر ۇلتتىق مۋزەيٸنٸڭ ديرەكتورى ارىستانبەك مۇحامەديۇلى سەگٸزٸنشە التىن ادامنىڭ اشىلۋ سالتاناتىندا.
سەگٸنشٸ «التىن ادامنىڭ» سۇلباسىن قايتا جاڭعىرتۋعا وتاندىق ارحەولوگ, رەستاۆراتورمەن بٸرگە كٶرشٸ رەسەيلٸك ماماندار دا ٷلەسٸن قوسقان.
«التىن ادام» 2019 جىلدىڭ قازان ايىندا تابىلدى. ال اقتٶبەدە جۇرتشىلىققا بىلتىر كٶكتەمدە ۇسىنىلدى. سودان بەرٸ ونىڭ سۇلباسىن قايتا جاڭعىرتۋ جۇمىسىمەن اينالىستىق. تابىلعان جەدٸگەردٸڭ قۇندىلىعىن ساقتاپ, قاسيەتٸن جوعالتپاۋ ٷشٸن تٷپنۇسقادان الشاقتاماۋعا تىرىستىق. بۇل ەر ادام, ونىڭ مٷردەسٸنەن بٶلەك, جەكە زاتتارى دا تابىلدى. ونىڭ ٸشٸندە بەلبەۋ, قىلىشتىڭ شٸرٸگەن قالدىعى جەنە تاعى باسقا», - دەدٸ ە. مارعۇلان اتىنداعى ارحەولوگييا ينستيتۋتىنىڭ قىزمەتكەرٸ, ارحەولوگ-عالىم ارمان بەيسەمباەۆ.
تاريحي جەدٸگەر ۇلتتىق مۋزەيدٸڭ «التىن زالىنا» قويىلدى. جەنە ونىڭ اشىلۋ سالتاناتىنا قوعام قايراتكەرلەرٸ مەن تاريحشى, ارحەولوگ-عالىمدار قاتىستى.
«التىن ادامنىڭ» سۇلباسىن قايتا جاڭعىرتۋعا (رەكونسترۋكتسييا) 2 جىلداي ۋاقىت جۇمسالدى. الدىمەن تٷپنۇسقا زەرتتەلەدٸ. ياعني شىعارماشىلىق ەمەس زەرتتەۋ جۇمىستارى جٷرگٸزٸلەدٸ. ياعني تابىلعان التىن ادامنىڭ جىنىسى قانداي? جاسى نەشەدە? ٶمٸردە كٸم بولعان تاعى سول سيياقتى. ودان بٶلەك, تابىلعان زاتتار دا زەرتتەلەدٸ. زەرتتەۋ نەتيجەسٸ كٶرسەتكەنداي سەگٸزٸنشە «التىن ادامنىڭ» جاسى شامامەن 50-دە جەنە ول كٶسەم بولعان», -دەدٸ سۋرەتشٸ-رەستاۆراتور بولات اتىراۋباەۆ.
