Kóptegen elde engizilgen halyqaralyq tájiribe jastar saiasatynyń damýyn baǵalaýdyń indikatory retinde qyzmet atqarady. Jastar ǵylymi-zertteý ortalyǵynyń direktory Aian Saqyshev Prezidenttiń jastardyń damý indeksi engizý usynysyna qatysty osylai dedi, dep habarlaidy QazAqparat.
«Búgin Memleket basshysynyń Qazaqstan Respýblikasy Parlamenti Májilisi aldynda mańyzdy ári maǵynaly bastamalardy kóterdi. Óz basym Memleket basshysynyń Parlamenttiń aldyna naqty mindetter qoiǵanyna, jastardyń damý indeksin engizý týraly sózine erekshe nazar aýdarar edim. Bul kóptegen elge engizilip jatqan halyqaralyq tájiribe. BBul jumys jastar saiasatyn damytýda baǵalaý indikatory retinde qyzmet etedi», - dep atap ótti sarapshy.
Aian Saqyshevtyń aitýynsha bul indeks eldiń aimaqtarynyń damýyna oń serpin beredi. Sebebi osy kórsetkishtiń kómegimen bilim, jumyspen qamtý jáne basqa da mańyzdy salalary boiynsha qandai jaǵdai jasalǵanyn anyqtaýǵa bolady.
«Jastardyń damý indeksin engizý – bul salany damytýǵa oń serpinin tigizedi. Halyqaralyq ádistemege súiene otyryp, bizde jastardy qoldaýǵa arnalǵan qandai jaǵdailar jasalǵanyn kóremiz», - dedi ol.
