كٶپتەگەن ەلدە ەنگٸزٸلگەن حالىقارالىق تەجٸريبە جاستار ساياساتىنىڭ دامۋىن باعالاۋدىڭ ينديكاتورى رەتٸندە قىزمەت اتقارادى. جاستار عىلىمي-زەرتتەۋ ورتالىعىنىڭ ديرەكتورى ايان ساقىشەۆ پرەزيدەنتتٸڭ جاستاردىڭ دامۋ يندەكسٸ ەنگٸزۋ ۇسىنىسىنا قاتىستى وسىلاي دەدٸ, دەپ حابارلايدى قازاقپارات.
«بٷگٸن مەملەكەت باسشىسىنىڭ قازاقستان رەسپۋبليكاسى پارلامەنتٸ مەجٸلٸسٸ الدىندا ماڭىزدى ەرٸ ماعىنالى باستامالاردى كٶتەردٸ. ٶز باسىم مەملەكەت باسشىسىنىڭ پارلامەنتتٸڭ الدىنا ناقتى مٸندەتتەر قويعانىنا, جاستاردىڭ دامۋ يندەكسٸن ەنگٸزۋ تۋرالى سٶزٸنە ەرەكشە نازار اۋدارار ەدٸم. بۇل كٶپتەگەن ەلگە ەنگٸزٸلٸپ جاتقان حالىقارالىق تەجٸريبە. ببۇل جۇمىس جاستار ساياساتىن دامىتۋدا باعالاۋ ينديكاتورى رەتٸندە قىزمەت ەتەدٸ», - دەپ اتاپ ٶتتٸ ساراپشى.
ايان ساقىشەۆتىڭ ايتۋىنشا بۇل يندەكس ەلدٸڭ ايماقتارىنىڭ دامۋىنا وڭ سەرپٸن بەرەدٸ. سەبەبٸ وسى كٶرسەتكٸشتٸڭ كٶمەگٸمەن بٸلٸم, جۇمىسپەن قامتۋ جەنە باسقا دا ماڭىزدى سالالارى بويىنشا قانداي جاعداي جاسالعانىن انىقتاۋعا بولادى.
«جاستاردىڭ دامۋ يندەكسٸن ەنگٸزۋ – بۇل سالانى دامىتۋعا وڭ سەرپٸنٸن تيگٸزەدٸ. حالىقارالىق ەدٸستەمەگە سٷيەنە وتىرىپ, بٸزدە جاستاردى قولداۋعا ارنالعان قانداي جاعدايلار جاسالعانىن كٶرەمٸز», - دەدٸ ول.
